Sjúklingar, sem höfðu fengið rafskaut grædd í heilann, tóku þátt í rannsókninni. Hún leiddi í ljós að líklega vinnur heilinn úr lykt, sem kemur inn um nasirnar, á mismunandi hátt þegar honum berast merki frá nösunum um lyktina. Það er einnig athyglisvert að merkin berast ekki á sama tíma til heilans.
Það að þessi tvö merki berast ekki til heilans á sama tíma getur bent til þess að það sé einhver ávinningur af að halda þeim aðskildum að mati vísindamanna.
Live Science segir að rannsóknin geti aukið skilning okkar á taugavísindum tengdum lykt en minna er vitað um þetta en sjón og heyrn. Vitað er að heilinn móttekur mismunandi gögn frá báðum augum og eyrum og svipað gæti verið upp á teningnum varðandi lykt.