Víða í Evrópu hefur verið gripið til þess ráðs að setja reglur og hömlur til að geta haft hemil á hinum mikla fjölda ferðamanna sem leggur leið sína til ákveðinna staða.  Markmiðið er meðal annars að koma í veg fyrir óþægindi fyrir heimafólk.

Nú hafa yfirvöld í Marbella, sem er við suðurströnd Spánar, sett nýjar reglur sem beinast að ferðamönnum. Nú mega þeir til dæmis ekki lengur pissa í sjóinn en heimafólk er löngu orðið þreytt á slíkri háttsemi.

Marbella24horas skýrir frá þessu og segir að ef fólk er gripið glóðvolgt við að pissa í sjóinn fái það sekt upp á allt að 750 evrur.

En ekki kemur fram hvernig yfirvöld hyggjast framfylgja þessu banni.

Marbella er ekki fyrsti spænski bærinn þar sem regla af þessu tagi er sett því yfirvöld í San Pedro del Pintar gerðu það sama 2017 og 2022 fylgdu bæjaryfirföld í Vigo á eftir með samskonar bann.