Myndbandið sem um ræðir átti að sýna meint mannát á götum úti á Haítí, en ófremdarástand hefur ríkt þar undanfarin misseri þar sem glæpagengi vaða uppi.
Fjölmargir fóru að dreifa sögum þess efnis að íbúar Haítí væru farnir að grípa til mannáts vegna ástandsins í landinu.
Í umfjöllun NBC News kemur fram að myndbönd sem eiga að sýna mannát séu runnar undan rifjum glæpagengja í landinu. Um sé að ræða áróðurstaktík til að hræða meðlimi annarra gengja. Myndböndin séu ekki ný heldur nokkurra ára gömul.
Myndbandið sem Musk birti með færslu sinni hefur verið fjarlægt þar sem um „áróður“ var að ræða og við færsluna stendur að það hafi brotið í bága við reglur X.
