fbpx
Laugardagur 25.maí 2024
Pressan

Tapaði baráttunni við krabbamein og tilkynnti eigið andlát í angurværri færslu sem lætur engan ósnortinn

Pressan
Fimmtudaginn 29. febrúar 2024 09:53

Ekki missa af Helstu tíðindum dagsins í pósthólfið þitt

Lesa nánar

Færsla breskrar konu á samfélagsmiðlinum LinkedIn hefur vakið gífurlega athygli, en færsluna hafði hún skrifað rétt áður en hún dó og falið ástvinum að birta að henni liðinni. Um er að ræða kveðjubréf sem skilur engan eftir ósnortinn.

Daniella Thackray tilkynnti sjálf andlát sitt í áðurnefndri færslu, en hún var aðeins 25 ára gömul og hafði tapað baráttu við sjaldgæft krabbamein í gallrás.

„Þó við getum ekki stýrt því hvað hendir okkur, þá getum við stýrt því hvernig við bregðumst við. Ég valdi það að syrgja ekki lífið sem ég var að missa, þrátt fyrir að vera miður mín yfir því, þessi í stað ákvað ég að njóta hverrar mínútu sem ég átti eftir.

Eins og ég hef alltaf sagt og ávallt trúað þá ætti fólk að njóta litlu hlutanna í lífinu og meta hvert augnablik! Lofið lífið. Gerið það sem færir ykkur hamingju og ekki leyfa nokkrum að taka lífsgleðina frá ykkur.“

Hún tók fram að hún hafi elskað lífið sitt. Hún hafi náð markmiðum, verið í vinnu sem hún elskaði, átt frábæran unnusta, fjölskyldu, vini og hund. Hún elskaði húsið sem hún og unnusti hennar ætluðu að kaupa og framtíðardraumanna sem þau áttu saman.

„Svo takk öll fyrir að gera lífið mitt að ævintýri. Munið hvað ég sagði um að njóta litlu hlutanna. Og síðast en ekki síst til elsku fallega Tom, ég elska þig og mun alltaf gera. Takk fyrir að styðja mig og færa svona mikla ást og hamingju inn í líf mitt. Farðu nú og njóttu lífsins, þú átt það skilið.“

Daniella vitnaði eins í bók A. A. Milne um Bangsímon:

„Ef það rennur upp morgundagur þar sem við erum ekki saman, þá er nokkuð sem þú þarft alltaf að muna. Þú ert hugrakkari en þú heldur, sterkari en þú virðist og klárari en þú heldur. En það mikilvægasta er, að jafnvel þó við séum í sundur, þá er ég alltaf með þér.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ertu sannur karlmaður? Val þitt á mat segir til um það

Ertu sannur karlmaður? Val þitt á mat segir til um það
Pressan
Fyrir 2 dögum

Strandgestirnir trúðu ekki eigin augum þegar þeir sáu hvað maðurinn kom með upp úr sjónum

Strandgestirnir trúðu ekki eigin augum þegar þeir sáu hvað maðurinn kom með upp úr sjónum
Pressan
Fyrir 3 dögum

Eitt mest smitandi kórónuveiruafbrigðið breiðist út

Eitt mest smitandi kórónuveiruafbrigðið breiðist út
Pressan
Fyrir 3 dögum

Myrti 5 manns vegna farsíma

Myrti 5 manns vegna farsíma
Pressan
Fyrir 4 dögum

Konan taldi sig hafa unnið milljónir í spilakassa en þá komu öryggisverðirnir

Konan taldi sig hafa unnið milljónir í spilakassa en þá komu öryggisverðirnir
Pressan
Fyrir 4 dögum

Vendingar í máli móðgaða afans – Barnabörnin sitja eftir stórskuldug

Vendingar í máli móðgaða afans – Barnabörnin sitja eftir stórskuldug