Það var einmitt það sem gerðist hjá Hafidzah Abdullah, sem býr í Malasíu, þegar hún opnaði heimabankann sinn dag einn. Innistæðan var sem svarar til um 1,2 milljarða íslenskra króna.
En vandinn við þetta, fyrir hana, var að hún átti ekki þessa peninga. „Ég kan vel að meta að þið gerið upplifun mína af bankanum eftirminnilega en mér finnst að þessi mistök hafi verið aðeins of stór,“ skrifaði hún í færslu, sem var beint að bankanum, á LinkedIn.
Hún sagði að hún hafi áður lent í vandræðum með bankareikninginn sinn en þetta hafi verið í fyrsta sinn sem hún átti 1,2 milljarða inni á honum. Til samanburðar má geta þess að meðalárslaun í Malasíu eru sem svarar til um 1,5 milljóna íslenskra króna.
„Maður gæti haldið að ég hefði unnið í lottó?“ skrifaði hún.
Þegar hún uppgötvaði mistökin var reikningi hennar lokað fyrirvaralaust. Til að geta opnað hann aftur varð hún að fara í næsta útibú bankans og ræða við þjónustufulltrúa. Sagði hún að þetta hafi tekið mjög langan tíma og verið þungt í vöfum.