Þar spurði hún hvort aðrir, sem leigja sumarhús sín út, hafi lent í því að ókunnugir hafi gert sig heimakomna í sumarhúsum þeirra. Hún lenti sjálf í því og að vonum finnst henni það allt annað en þægilegt.
„Við sáum á hitadæluappinu að skyndilega var 24 gráðu hiti í húsinu, þrátt fyrir að það væri hvorki sólskin eða önnur skýring. Það var einhver í húsinu, það er alveg öruggt,“ skrifaði hún.
Hún býr sjálf í Árósum og lét því útleigufyrirtæki sjá um að leigja sumarhúsið út. En engin útleiga var bókuð á húsinu þennan dag sem hitinn í því var 24 gráður.
En Karen telur að útleigufyrirtækið tengist þessu því engin ummerki voru um innbrot en hins vegar er lyklabox á húsinu, sem útleigufyrirtækið lét setja upp. Númerakóði er notaður til að opna lyklaboxið og telur Karen að kóðinn hafi fallið í rangar hendur.
Engar eftirlitsmyndavélar eru í eða við húsið og því ekki hægt að skoða upptökur til að sjá hver eða hverjir hafa gert sig heimakomna í húsinu.
„Maður ímyndar sér allt mögulegt. Kannski brimbrettamaður, hreingerningarfólk frá útlöndum, já í versta falli ímynda ég mér að húsið birtist skyndilega í klámmynd,“ sagði hún í samtali við TV2 og sagði að þessi hugsun hafi leitað á hana vegna smokkanna og handklæðanna. Auk þess hafi allur eldviðarstaflinn verið horfinn og ljóst hafi verið að það hafi verið kynt vel upp í stofunni á meðan fólk var að hafa það notalegt þar.
