fbpx
Þriðjudagur 23.apríl 2024
Pressan

Hún tók mynd af matnum á veitingastað og póstaði á samfélagsmiðla – Það reyndust dýrkeypt mistök

Ragna Gestsdóttir
Fimmtudaginn 7. desember 2023 14:30

Mynd: Getty

Ekki missa af Helstu tíðindum dagsins í pósthólfið þitt

Lesa nánar

Á tímum þar sem flest okkar eru á samfélagsmiðlum og síminn alltaf uppi við hafa margir það fyrir vana að mynda matinn sem þeir panta sér á veitingastað og pósta myndinni um leið á samfélagsmiðla sína. Kona að nafni Wang, sem fór út að borða með vinkonu sinni á vinsælum veitingastað í Kunming í Kína gerði akkúrat þetta: hún tók mynd af matnum sínum og póstaði, en gerði heiftarleg mistök. Á myndinni mátti sjá QR-kóða borðsins sem þær vinkonurnar sátu við. 

Það er víða algengt að hægt sé að skanna QR-kóða sem er á borðinu og panta matinn þannig og greiða fyrir hann líka. Oft er þetta þægilegt, en í tilviki Wang reyndist þetta mikil mistök. Hún endaði með reikning upp á 430 þúsund yuan, 60.500 dali eða um 8,5 milljón króna. 

Þó Wang hafi aðeins póstað myndinni meðal vina sinna á kínverska appinu WeChat, þá var greinilegt að QR-kóðinn fór á flakk og fólk notaði hann til að panta fullt af mat. Fjöldi netpantana barst inn á meðan kóðanum var deilt á samfélagsmiðlum. 2580 pöntuðu rækjur, 1850 andablóð, sem mun vera vinsæll réttur svæðisins og 9990 pöntuðu rækjupaté.

Reikningurinn var langur.

Starfsfólkið áttaði sig á að einhver brögð voru í tafli þegar reikningurinn hækkaði umtalsvert og færðu vinkonurnar á annað borð með öðrum QR-kóða, þannig að hægt var að átta sig á hvaða pöntun tilheyrði þeim og hvaða pantanir voru falskar. Þó Wang hafi eytt myndinni um leið og hún áttaði sig á mistökum sínum héldu pantanirnar áfram að berast og því ljóst að myndin hafði farið á flakk um samfélagsmiðla. Wang þurfti ekki að borga reikninginn, nema þann mat sem þær vinkonurnar pöntuðu, og segist hún líta á atvikið sem rándýra reynslu.

Veitingastaðurinn hefur síðan breytt pantanaferlinu þannig að nú þarf pöntunin að berast innan ákveðinnar fjarlægðar frá eldhúsinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Blaðamaðurinn Terry Anderson látinn – Gekk í gegnum margra ára martröð

Blaðamaðurinn Terry Anderson látinn – Gekk í gegnum margra ára martröð
Pressan
Í gær

Taldi sig vera að hitta 7 og 11 ára stelpur á hóteli – Skotinn til bana af lögreglu

Taldi sig vera að hitta 7 og 11 ára stelpur á hóteli – Skotinn til bana af lögreglu
Pressan
Fyrir 2 dögum

47 ár frá upphafi tveggja tímamótageimferða

47 ár frá upphafi tveggja tímamótageimferða
Pressan
Fyrir 2 dögum

Gríðarstórt eldfjall á Mars var fyrir „allra augum“ og gæti geymt ummerki um líf

Gríðarstórt eldfjall á Mars var fyrir „allra augum“ og gæti geymt ummerki um líf
Pressan
Fyrir 3 dögum

Ferðin til Mallorca endaði með nokkurra daga hryllingi og björgunaraðgerð á flugvelli í Afríku

Ferðin til Mallorca endaði með nokkurra daga hryllingi og björgunaraðgerð á flugvelli í Afríku
Pressan
Fyrir 3 dögum

Vaxandi áhyggjur af ofureldfjalli – Er það að vakna til lífsins?

Vaxandi áhyggjur af ofureldfjalli – Er það að vakna til lífsins?
Pressan
Fyrir 3 dögum

Berst við 4. stigs krabbamein – Yfirmaðurinn pressar á hana að koma aftur til vinnu

Berst við 4. stigs krabbamein – Yfirmaðurinn pressar á hana að koma aftur til vinnu
Pressan
Fyrir 3 dögum

Óhugnalegt atvik í New York: Kveikti í sér fyrir framan dómshúsið þar sem réttað var yfir Trump

Óhugnalegt atvik í New York: Kveikti í sér fyrir framan dómshúsið þar sem réttað var yfir Trump