fbpx
Þriðjudagur 05.mars 2024
Pressan

Rottuplága herjar á íbúa: Náði 1.800 rottum bara fyrsta daginn

Pressan
Fimmtudaginn 30. nóvember 2023 15:30

Ekki missa af Helstu tíðindum dagsins í pósthólfið þitt

Lesa nánar

Sannkölluð rottuplága herjar nú á íbúa hafnarbæjarins Karumba í Queensland í Ástralíu. Mörg þúsund rottur – bæði lifandi og dauðar – gera íbúum lífið leitt um þessar mundir.

NPR í Ástralíu greinir frá því að veðurfar hafi verið einkar hagstætt fyrir rottur síðustu vikur í norðausturhluta Ástralíu. Rigningatíð og milt veðurfar hafði afar góð áhrif á uppskeru víða og af þeim sökum hefur verið nóg um æti fyrir nagdýrin og þau fjölgað sér hratt.

Rotturnar geta valdið allskonar vandræðum því auk þess að éta uppskeru naga þær í sundur raflínur. Rotturnar hafa einnig reynt að komast syndandi yfir ána Norman og hafa margar – þúsundir nánar tiltekið – drukknað á því ferðalagi og skolað að ströndum Karumba. „Lyktin er frekar slæm,“ segir Jack Bawden, fylkisstjóri á svæðinu, í samtali við NPR.

Phil Grieve er meindýraeyðir í Karumba og hefur hann haft nóg að gera síðustu vikur. Dag einn fyrir skemmstu fyllti hann átján poka af dauðum rottum en hver og einn poki getur tekið við um hundrað rottum. „Þannig að þetta voru um 1.800 rottur.“

Emma Gray, líffræðingur við Queensland University, segir að rottur geti fjölgað sér hratt við góðar aðstæður. Þær geti eignast allt að tólf unga á þriggja vikna fresti.

Plága sem þessi er ekkert einsdæmi og segir Emma að þetta gerist að jafnaði á þriggja til sautján ára fresti á þessu svæði. Um leið og matur verður af skornum skammti verði mikil og hröð fækkun í stofninum og það gæti gerst á næstu vikum eða mánuðum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Finnar opna fleiri skotsvæði til að bregðast við ógninni frá Rússlandi

Finnar opna fleiri skotsvæði til að bregðast við ógninni frá Rússlandi
Pressan
Í gær

Flóttinn til Svíþjóðar: Einstök saga um björgun danskra gyðinga

Flóttinn til Svíþjóðar: Einstök saga um björgun danskra gyðinga
Pressan
Fyrir 2 dögum

Neitaði að láta sætið eftir til konu í hjólastól – „Reglan er bara fyrstur kemur, fyrstur fær“

Neitaði að láta sætið eftir til konu í hjólastól – „Reglan er bara fyrstur kemur, fyrstur fær“
Pressan
Fyrir 2 dögum

Gjörningalistakona býr með heilmynd af sínum fyrrverandi – Brúðkaup á döfinni

Gjörningalistakona býr með heilmynd af sínum fyrrverandi – Brúðkaup á döfinni
Pressan
Fyrir 4 dögum

Tapaði baráttunni við krabbamein og tilkynnti eigið andlát í angurværri færslu sem lætur engan ósnortinn

Tapaði baráttunni við krabbamein og tilkynnti eigið andlát í angurværri færslu sem lætur engan ósnortinn
Pressan
Fyrir 5 dögum

Tveir teknir af lífi á íþróttaleikvangi í Afganistan

Tveir teknir af lífi á íþróttaleikvangi í Afganistan