Nú situr 26 ára kona á ákærubekk hjá undirrétti í Kaupmannahöfn ákærð fyrir að hafa búið til falska prófíla á heimasíðunum scor.dk og escortside.dk í nafni ungu konunnar. Þetta eru stefnumótaheimasíður en einnig er vændi auglýst þar. Hin ákærða hafði einmitt sett inn auglýsingar um að unga konan stundaði slíka iðju.
B.T. segir að samkvæmt ákærunni þá hafi konan notaði símanúmer ungu konunnar og heimilisfang mæðgnanna þegar hún stofnaði prófílana á heimasíðunum. Lögreglan telur einnig að hún hafi veitt upplýsingar um aðganga ungu konunnar á samfélagsmiðlum á borð við Snapchat og Instagram á þessum fölsuðu prófílum. Þetta hafi hún gert til að auglýsa kynlíf til sölu.
Á escortside.dk. skrifaði hún: „Smávegis um mig. Ung, falleg og djörf úr samfélagi þar sem við viljum helst vera teknar harkalega. Ég er hrifnust af eldri mönnum, en hef áhuga á öllu. Ég er mjög hrifin af tilraunum í kynlífinu og er bara ég og er mjög gröð. Hópkynlíf er einnig svolítið sem ég vil prófa. Ég er opin fyrir næstum öllu og næstum allar langanir mínar gera að verkum að ég er ekki svo kröfuhörð. Ef þú vilt meiri upplýsingar máttu gjarnan hringja í mig í þetta númer . . . .“
