Hópur fornleifafræðinema fann nýlega 1.000 gamlar veggmyndir, sem eru í lit, í norðurhluta Perú. Myndirnar fundust upphaflega 1916 af hópi fjársjóðsleitarmanna. Þær eru í helli í Illimo sem er nærri borginni Chiclaya. En myndirnar gleymdust og enginn hafði séð þær í um eina öld þar til nemarnir fundu þær.

Þegar þær fundust fyrir rúmri öld tók Þjóðverjinn Hans Heinrich Bruning myndir af þeim. Í kjölfarið eyðilögðu grafræningar hluta af veggnum eftir að þeim var bannað taka muni úr hellinum og í kjölfarið gleymdist hann.

En öld síðar ákvað hópur fornleifafræðinema undir forystu Sam Ghavami, hjá háskólanum í Fribourg, að reyna að finna myndirnar á nýjan leik.

Það tók tvö ár að sannfæra landeigendur, sem er fjölskylda ein, um að leifa hópnum að halda til rannsókna á svæðinu. Leiðangurinn hófst 2019 en hlé var gert á honum 2020 vegna heimsfaraldurs kórónuveirunnar. Hann hófst síðan á nýjan leik á síðasta ári.

Fornleifafræðingar segja að veggmyndirnar séu frá níundu öld.

Luis Jaime Castillo, prófessor í fornleifafræði við Pontifical kaþólska háskólann í Perú, sagði að þetta sé einn áhugaverðasti og mikilvægasti fornleifafundur síðari ára.