fbpx
Mánudagur 30.janúar 2023
Pressan

Fundu nýja kórónuveiru – Gæti borist í fólk

Kristján Kristjánsson
Þriðjudaginn 29. nóvember 2022 05:26

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Vísindamenn hafa fundið fimm veirur sem eru líklegar til að geta borist í fólk eða búfénað. Þeirra á meðal er ein sem er náskyld Sars-Cov-2 (sem veldur Covid-19) og Sars.

Ástralskir og kínverskir vísindamenn tóku sýni úr 149 leðurblökum í Yunnan-héraðinu, sem er á landamærum Laos og Mjanmar, og fundu veirurnar sem þeir telja líklegar til að geti borist í fólk eða búfénað. The Telegraph skýrir frá þessu. Meðal þeirra var kórónuveira sem er náskyld Sars-Cov-2 og Sars.

„Þetta þýðir að Sars-Cov-2 líkar veirur er enn að finna í kínverskum leðurblökum og valda hættu,“ er haft eftir Eddie Holmes, prófessor og þróunarlíffræðingi við Sydney háskóla og meðhöfundi rannsóknarinnar.

Rannsóknin hefur ekki verið ritrýnd. Samkvæmt því sem kemur fram í henni voru leðurblökur reglulega smitaðar af mörgum veirum samtímis. Þetta er mjög athyglisvert og mikilvægt því þetta sýnir að veirur geta hugsanlega skipst á erfðalyklum en það getur orðið til þess að nýjar veirur verða til.

Stuar Neil, prófessor og yfirmaður smitsjúkdómadeildar King‘s College London, sagði að rannsóknin veiti mikilvæga innsýn í þróun og vistfræði kórónuveira og að hætta sé á að þær berist í fólk.

Fyrri greiningar hafa sýnt að allt að 400.000 manns smitist árlega af veirum, sem leðurblökur bera, í suðurhluta Kína og suðaustur Asíu.

Ein af veirunum fimm, sem eru flokkaðar sem „veirur sem þarf að hafa áhyggjur af“, gengur undir heitinu BtSY2. Hún er með einkenni Sars, sem er veira sem varð 774 að bana og smitaði 8.000 í faraldri 2003, og Sars-Cov-2 sem veldur Covid-19.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Stjörnur hverfa hraðar en við héldum

Stjörnur hverfa hraðar en við héldum
Pressan
Í gær

Notaði ranga teskeið til að hræra í tebollanum – Það varð henni að bana

Notaði ranga teskeið til að hræra í tebollanum – Það varð henni að bana
Pressan
Í gær

Else áttaði sig ekki á verðmæti bókarinnar sem var í stofuhillunni hennar

Else áttaði sig ekki á verðmæti bókarinnar sem var í stofuhillunni hennar
Pressan
Fyrir 2 dögum

Sáu kúk utan úr geimnum og fundu þannig mörgæsanýlendu

Sáu kúk utan úr geimnum og fundu þannig mörgæsanýlendu