Quake Lewellyn, 29 ára bóndi frá Arkansas í Bandaríkjunum, var nýlega dæmdur í ævilangt fangelsi fyrir að hafa numið Sydney Sutherland, 25 ára hjúkrunarfræðing, á brott, nauðgað henni og myrt.

People skýrir frá þessu. Fram kemur að Lewellyn hafi játað að hafa myrt Sutherland sem fór út að hlaupa í Newport þann 25. ágúst 2020 en sneri ekki aftur heim.

Hann játaði einnig að hafa ekið á hana og að hafa síðan nauðgað henni og að lokum myrt.

Umfangsmikil rannsókn hófst strax á málinu en lík Sutherland fannst nærri heimili Lewellyn. Hann var handtekinn nokkrum dögum síðar.

Lögreglan hefur staðfest að tengsl hafi verið á milli þeirra en ekki hefur komið fram af hverju Lewellyn myrti Sutherland.