Á sunnudaginn var tilkynnt um hvarf Kim Mason, sem starfaði sem leigubílstjóri í Georgíuríki í Bandaríkjunum. Það var unnusti hennar sem tilkynnti um hvarf hennar þegar hún skilað sér ekki heim úr vinnu á sunnudaginn.

Hann hringdi í farsíma hennar klukkan 3 að nóttu og fékk skilaboð nokkrum klukkustundum síðar um að hún væri að aka með farþega.

Á mánudaginn fékk lögreglan ábendingu um hvar Kim væri að finna og fékk húsleitarheimild hjá dómara til að leita í húsi nærri Bethlehem. Á þriðjudaginn fundu lögreglumenn lík Kim í einhvers konar kjallara undir húsinu.

Adam Heard, íbúi hússins, var handtekinn vegna málsins. Hann er grunaður um að hafa farið ósæmilega með lík Kim, spillt sakargögnum, bílþjófnað og að hafa verið með skotvopn í fórum sínum en það má hann ekki þar sem hann hefur áður hlotið refsidóm. Hann rauf einnig skilorð.

Ekki liggur fyrir hver dánarorsök Kim var en niðurstöðu krufningar er vænst fljótlega og gætu fleiri sakarefni þá bæst við hjá Adam Heard.