Fréttir af COVID-19 kórónuveirunni dynja á okkur allan liðlangan daginn og eiginlega útilokað að komast hjá því að heyra eitt og annað um hana. Þetta fyllir eflaust suma kvíða en það eru til góð ráð við honum, eflaust fleiri en þau sem við nefnum til sögunnar hér.

Skipuleggðu daginn. Ef þú ert vanur/vön að koma seint heim úr vinnu eða ert í sóttkví vegna veirunnar er mikilvægt að þú skipuleggir daginn þinn. Það getur létt á kvíðanum.

Dragðu úr fréttalestri og hlustun á fréttir. Þú skalt fylgjast með en dragðu úr fjölmiðlanotkun þinni. Ef það fær tilfinningalega á þig að heyra fréttir af faraldrinum skaltu draga enn frekar úr fjölmiðlanotkun þinni.

Gættu að hugsunum þínum. Bremsaðu hugsanir þínar og reyndu að vinna á móti þeim. Segðu „stopp“ við þig sjálfa/n þegar neikvæðar hugsanir ná yfirhöndinni.

Ekki einangra þig. Það getur auðvitað verið erfitt að vera félagslegur þessa dagana þar sem fólk er hvatt til að halda ákveðinni fjarlægð á milli sín og annarra. En farðu samt í göngutúr, ef þú ert með öðrum skaltu gæta að fjarlægðinni á milli ykkar. Notaðu samfélagsmiðla til að halda sambandi við umheiminn.

Fáðu nægan svefn. Leggðu áherslu á að hafa fasta ramma yfir daginn og tryggja að þú fáir nægan nætursvefn. Svefn er gríðarlega mikilvægur, bæði líffræðilega og sálfræðilega.

Talaðu um hlutina. Ræddu um áhyggjur þínar og taktu vel á móti áhyggjum annarra. En reyndu einnig að tala um eitthvað annað til að beina athyglinni eitthvað annað.