Það er góður gangur í dönsku efnahagslífi þessi misserin. Viðskiptajöfnuðurinn gagnvart útlöndum er jákvæður og það í meira lagi. Frá nóvember 2018 til nóvember 2019 var hann 203 milljarðar danskra króna en það svarar til um 3.700 milljarða íslenskra króna. Talið er að þegar síðasta ár verður gert upp verði viðskiptajöfnuðurinn jákvæður um 210 milljarða danskra króna en það svarar til um 3.850 milljóna íslenskra króna. Þetta svarar til 8,9% af vergri þjóðarframleiðslu.

Jótlandspósturinn skýrir frá þessu. Haft er eftir Tore Stramer, aðalhagfræðingi samtaka atvinnulífsins, að danskt efnahagslíf standi vel og sé mjög heilbrigt og í góðu jafnvægi núna. Niðurstaðan er athyglisverði í ljósi þess að samdráttur hefur orðið í nokkrum af stærstu viðskiptalöndum Dana á síðustu mánuðum, til dæmis Þýskalandi, Svíþjóð og Bretlandi.

Á móti kemur að verð á útfluttum vörum og þjónustum hefur hækkað hraðar en verð á innfluttum vörum og þjónustu. Auk þess hefur innflutningur dregist saman á undanförnum mánuðum.