Á ágústdegi 2015 var Angela á heimleið í bílnum sínum með 5 ára dóttur sinni, Lexi, og 10 vikna gömlum syni, Peter. Þetta var í Kanada þar sem þau búa. Á leiðinni fann hún hvernig augnlokinn þyngdust og þyngdust. Hún var mjög þreytt og hugðist aka inn á næsta bílastæði til að hvíla sig. En hún komst aldrei svo langt því hún sofnaði áður og fór bíllinn út af veginum og niður bratta brekku.

Angela var meðvitundarlaus og bíllinn sást ekki frá veginum. Staðan virtist vonlaus. En þá greip hetjan Lexi inn í. Hún heyrði litla bróður sinn gráta mikið og áttaði sig á að eitthvað var að móður hennar. Hún ákvað því að gera svolítið sem fá 5 ára börn hefðu þorað eða getað.

Hún losaði sig úr bílstólnum og klifraði berfætt út úr bílnum og upp brekkuna þar til hún komst upp á veginn þar sem hún reyndi að stöðva ökumenn. Par sem kom akandi sá að hér var lítil skólaus stúlka á ferð og ákvað samstundis að stöðva til að aðstoða hana.

Þau hringdu síðan strax í neyðarlínuna og var sjúkrabíll strax sendur á vettvang. Ef ekki hefði verið fyrir skjót viðbrögð Lexi hefði þetta allt getað endað mjög illa. Angela var hryggbrotin og Peter var með blæðingu í heila. En sem betur fer tókst læknum að veita þeim nauðsynlega meðferð svo þau náuð bata.

Lexi var síðar sæmd sérstakri heiðursorðu The Royal Canadian Humane Society fyrir hetjudáð sína og er yngsta manneskjan sem hefur fengið þá orðu.