17 ára stúlka lést þann 1. nóvember síðastliðinn þegar hún var að spila tölvuleik í snjallsímanum heima hjá sér í Chaiyaphum í Taílandi. Hleðslusnúra símans, sem var tengd við hann, snerti skyndilega málmfæturnar á rúmi hennar. Það orskaði mikinn rafstraum sem varð stúlkunni að bana.

Hleðslutækið var í gamalli innstungu sem var búið að lagfæra með límbandi. Þegar móðir stúlkunnar kom heim lá stúlkan enn í herberginu. Móðirin sagðist hafa talið að hún svæfi og hafi því gengið að henni til að vekja  hana. Þegar hún snerti hana fékk hún smávegis rafstraum. Hún flýtti sér því að loka fyrir rafmagnið í herberginu en það var um seinan. Stúlkan var látin.

Talsmaður lögreglunnar segir að hugsanlega hafi gamla innstungan valdið dauða stúlkunnar. Hún hafi fengið mikinn straum þegar hún snerti málmramma rúmsins.