Dave Goulson, líffræðingur og prófessor við University of Sussex á Englandi, segir í nýrri skýrslu að framtíðarhorfur skordýra séu mjög slæmar. Í skýrslunni, sem heitir „Insect declines and why they matter“ kemst hann að þeirri niðurstöður að 41 prósent af öllum skordýrum séu í útrýmingarhættu. Það mun hafa alvarlegar afleiðingar fyrir mannkynið ef svo fer.

Þrír fjórðu hlutar af uppskeru okkar er háð því að skordýr frjóvgi plönturnar. Ef skordýrunum fækkar svona mikið næst ekki að frjóvga plönturnar.

„Til dæmis munum við ekki hafa jarðarber lengur. Við getum ekki séð 7,5 milljörðum manna fyrir mat án skordýra.“

Sagði Goulson í samtali við CNN. En það er ekki um seinan að grípa í taumana segir Goulson. Það þarf að hætta notkun skordýraeiturs samstundis og einnig þarf að koma upp skordýravænum stöðum í náttúrunni svo þau hafi einhver svæði til að búa á.