Stjórnendur breskra vopnaframleiðenda eru sagðir hafa farið til Kyiv til viðræðna um opnum verksmiðja í Úkraínu þar sem hægt verður að framleiða bresk vopn og ökutæki fyrir herinn.

The Telegraph skýrir frá þessu og segir að ekki sé útilokað að framleiðslu af þessu tagi verði hleypt af stokkunum í Úkraínu með leyfi bresku fyrirtækjanna.

Aðaltilgangurinn með þessu væri að létta aðeins á því hversu háðir Úkraínumenn eru vopnagjöfum frá Vesturlöndum.

Blaðið segir að framleiðendur frá öðrum Evrópuríkjum hafi einnig verið í Kyiv að ræða við ráðamenn um þetta.

Þessar heimsóknir koma í kjölfar heimsóknar Volodymyr Zelenskyy, forseta Úkraínu, til Bretlands, Frakklands og Brussel í síðustu viku. Þar hvatti hann Vesturlönd til að bæta enn frekar í vopnasendingar til Úkraínu og fór fram á að fá orustuþotur.