Allur akstur Strætó á höfuðborgarsvæðinu og í nágrenni þess hefur verið stöðvaður á meðan versta veðrið gengur yfir. Þetta kemur fram í tilkynningu frá Strætó.
Um höfuðborgarsvæðið segir í tilkynningunni að Strætó hafi stöðvað allan akstur strætisvagna á höfuðborgarsvæðinu vegna erfiðrar færðar og veðurskilyrða. Strætó mun iendurmeta stöðuna í hádegi og senda út aðra tilkynningu um áframhaldið þá.
Áður hafði akstur Landsbyggðarstrætó milli höfuðborgarsvæðisins og Suðurnesja, Suðurlands og Akraness verið stöðvaður og þar að auki strætóferðir milli þéttbýlisstaða á Suðurlandi.
