„Þarna er þetta í raun­inni bara ein­hver heppi­leg tylli­á­stæða til að ná sér í fé,“ segir Helgi Gunnlaugsson, prófessor í afbrotafræði við Háskóla Íslands, í samtali við Morgunblaðið í dag.

Í gær hófst aðalmeðferð í Gufunesmálinu svokallaða en þrír eru ákærðir fyrir manndráp, frelsissviptingu, rán og tilraun til fjárkúgunar.

Sjá einnig: Gufunesmálið – Lúkas Geir í vitnastúku – Stefán sagði hann vera höfuðpaurinn

Lúkas Geir Ingvarsson, einn hinna ákærðu, sagði í vitnastúku í gær að markmiðið með aðgerðinni hafi verið að hitta mann sem héldi að hann væri að fara að hitta stelpu undir lögaldri. Markmiðið væri að spila á skömm viðkomandi og hafa af honum fé gegn því að hann yrði ekki afhjúpaður opinberlega. Aldrei hafi verið ætlunin að þetta færi eins og raun varð.

Sjá einnig: Rafmagnað andrúmsloft í Héraðsdómi Suðurlands – Stefán svaraði fyrstur til saka fyrir morðið á Hjörleifi

Helgi segir við Morgunblaðið að tálbeituaðgerðir eins og þessi sem ákært er fyrir séu aðeins skálkaskjól til að ræna og beita ofbeldi.

„Þetta snýst þannig séð ekk­ert um kyn­ferðis­lega mis­notk­un á börn­um,“ segir Helgi sem veltir fyrir sér hvort ekki hafi verið tekið nógu fast á slíkum tálbeitumálum. Gufunesmálið geti að einhverju leyti verið afleiðing þess.

„Kannski höf­um við ekki sett fót­inn niður og sagt að þetta sé alls ekki rétt­læt­an­legt og alls ekki það sem við eig­um að gera, að taka lög­in í okk­ar eig­in hend­ur,“ seg­ir Helgi á forsíðu Morgunblaðsins í dag.

Sjá einnig: Gufunesmálið:Matthías spurður út í viðtal sitt við DV – Segist hafa óttast Stefán og Lúkas