Baráttukonan Sema Erla Serdaroglu hefur lengi verið á milli tannanna á fólki sem deilir ekki skoðunum hennar á til að mynda innflytjendamálum. Umtalið hefur í sumum tilvikum leitt til ógeðsfellds áreitis í gegnum tíðina. Nýjasta dæmið eru skilaboð sem að Semu Erlu barst um miðja nótt úr tilteknu farsímanúmeri sem voru í meira lagi vanstillt.

„Þessi sms skilaboð biðu mín þegar ég vaknaði í morgun. Ég ætla ekki að kafna í þessum skít og skila hér með skömminni til raunverulegs eiganda hennar. Ef einhver veit hver á þetta símanúmer myndi ég gjarnan vilja heyra frá viðkomandi. Ég er aðeins öruggari ef ég veit hvaða fólk ógnar tilverurétti mínum,“ skrifar Sema Erla á Facebook-síðu sína og birtir skjáskot af skilaboðunum og númerinu sem þau bárust úr.

„Þú ert ekki bara for ljótasta konan á Íslandi heldur líka sú mest illrætta ógeðslega tæfa sem fyrirfinnst á jarðríki. Þú ert ekki heldur og verður aldrei Íslendingur. Tyrkir vilja ekki sjá þig heldur hlæja þeir eins og allir aðrir að feitu píkunni á þér sem að þú girðir upp á ógeðslegu ístruna á þér,“ segir í skilaboðum.

Óhætt er að fullyrða að færsla Semu Erlu hafi vakið mikil viðbrögð og er Sema Erla hvött til þess að tilkynna þau þegar í stað til lögreglunnar. „Á milli svona skilaboða og hryðjuverka er ekki langt bil,“ segir einn FB-vinur Semu Erlu.

Sumir netverjar sem brugðust við færslunni ákváðu þegar í stað að byrja að hringja ótt og títt í númerið. Fæstir náðu í gegn nema ein sem það gerði sagði að íslensk kona hefði svarað, sagst vera stödd erlendis og lagt þegar í stað á.