„Rottukeisari“ New York-borgar, Kathleen Corradi, hefur hent inn hvíta handklæðinu og látið af störfum eftir tveggja ára baráttu við að fækka rottum stórborgarinnar. Allt bendir til þess að slagurinn sé tapaður.

Corradi er fyrsti einstaklingurinn sem er ráðinn í sérstakt starf sem snerist um að fækka meindýrunum skæðu. Fékk hún því áðurnefnt uppnefni, „Rottukeisarinn“ (e. Rat czar). Miklar væntingar voru gerðar til Corradi sem hóf líka störf af krafti. Hún lét kortleggja helstu svæði og lét dreifa fæðu sem í var efni sem átti að minnka frjósemi rottanna og þá blés til átaks í sorphirðu borgarinnar og gerði þar með atlögu að helstu fæðuuppsprettu nagdýranna.

Til að byrja með virtist herferðin vera að bera árangur og tilkynningum um rottugang fækkaði um 5% á einu ári. Allt virðist þó benda til þess að sá árangur hafi verið skammvinn gleði og rotturnar séu aftur í sókn.

Óvíst þykir hvort að ráðið verði í embættið eða það lagt niður og því gæti Corradi orðið fyrsti og eini „rottukeisarinn“ í sögu New York borgar.