Aðalfundur Vorstjörnunnar, sem er eitt þeirra félaga sem tengjast Sósíalistaflokknum, verður haldinn kl. 17:30 í dag. Gunnar Smári Egilsson hvetur samherja sína til að mæta á fundinn og verjast yfirtökutilraun nýrrar stjórnar Sósíalistaflokksins yfir félaginu.

Gunnar Smári segir að hætta sé á því að fjölmiðillinn Samstöðin loki í kvöld ef yfirtökufólkið nær völdum í Vorstjörnunni. Gunnar Smári segir í löngum Facebook-pistli:

„Það má ekki gerast að yfirtökuliðið ná líka Vorstjörnunni undir sig. Ég hvet því alla sem vettlingi geta valdið að ganga í Vorstjörnuna og aðstoða Sönnu og félaga hennar til að verja Vorstjörnuna og þá hugsjón sem hún byggir á. Ég er ekki í kjöri til stjórnar og mun ekki skipta mér af þessum fundi með öðrum hætti en að mæta og kjósa með framtíð Vorstjörnunnar og gegn yfirtöku hennar. Ég hef hins vegar hag af niðurstöðunni þar sem Samstöðin leigir af Vorstjörnunni og ég sé fram á að ef yfirtökuliðið nær Vorstjörnunni undir sig mun Samstöðin þurfa að loka í kvöld, missa húsnæði sitt og þurfa að leita sér að nýju húsnæði. Sem er dýr aðgerð fyrir útvarps- og sjónvarpsstöð og óséð um hvort Alþýðufélagið hafi þrek til koma Samstöðinni yfir þann hjalla.“

Sjá nánar með því að smella á tengilinn hér fyrir neðan: