Þetta kemur fram í úttekt Morgunblaðsins í dag. Bent er á það að þingmenn hafi eytt rúmum 26 milljónum króna í ferðalög innanlands og 20 milljónum í ferðalög erlendis.
Þeir þingmenn sem eytt hafa mestu í ferðir innanlands eru allir landsbyggðarþingmenn. Þetta eru þeir Þorgrímur Sigmundsson, Stefán Vagn Stefánsson, Ingibjörg Isaksen, Jens Garðar Helgason og Sigurjón Þórðarson. Efstur á blaði er Þorgrímur með tæplega 2,1 milljón, samkvæmt úttekt Morgunblaðsins.
Sá þingmaður sem eytt hefur mestu í ferðalög til útlanda er Þórunn Sveinbjarnardóttir sem er forseti Alþingis. Nemur kostnaður við utanlandsferðir hennar um 1,3 milljónum króna. Þar á eftir koma þau Sigmar Guðmundsson, Pawel Bartoszek, Ingibjörg Isaksen, Dagur B. Eggertsson, Þórdís Kolbrún Reykfjörð Gylfadóttir og Dagbjört Hákonardóttir.
Eru þetta einu þingmennirnir sem hafa eytt yfir milljón í ferðalög erlendis.
Nánar er fjallað um þetta í Morgunblaðinu í dag.
