Bretar verða að undirbúa sig undir hugsanlegt „stríð heima fyrir“. Þetta kemur fram í nýrri þjóðaröryggisáætlun en hún var birt á þriðjudaginn. Í henni kemur fram að stríðið í Úkraínu og ástandið í Miðausturlöndum geti aukið alþjóðlegan óstöðugleika.

Í áætluninni er lagt til að bresku almenningur gangist undir þjálfun til að geta veitt mótspyrnu ef ráðist verður á Bretland.

Pat McFadden, ráðherra, sagði þingheimi að allir landsmenn verði að átta sig á þeim ógnum sem að steðja.

Í öryggisáætluninni kemur fram að Rússar og Íranar geri sífellt fleiri tölvuárásir í Bretlandi og stundi skemmdarverk þar í auknum mæli.

Ríkisstjórnin heitir því einnig að takast á við Kínverja af meiri styrk en áður og með samræmdari aðgerðum.