Í dagbók lögreglunnar á höfuðborgarsvæðinu er greint frá því að stórfelld líkamsárás hafi verið framin í hverfi 105 í Reykjavík fyrr í dag en því hverfi eru meðal annars Hlíðarnar. Þolandinn var fluttur þungt haldinn á sjúkrahús og einn aðili var handtekinn grunaður um árásina.

Meðal annarra verkefna lögreglunnar í dag voru að maður var handtekinn í hverfi 101 vegna húsbrots og þjófnaðar en látinn laus að lokinni skýrslutöku. Tilkynnt var um þjófnað í hverfi 105, þar sem 60.000 krónum var stolið en málið er í rannsókn.

Tilkynnt um var nytjastuld á bifreiðinni YSE30 sem er ljósgrár Renault Trafic árgerð 2025, í hverfi 110 sem er Árbærinn.

Loks má nefna að tilkynnt var um sjóslys við Gufunes þar sem bátur var vélarvana, engin slys urðu á fólki og björgunarsveit dró bátinn til hafnar.