Annar maður er látinn eftir eldsvoða á Hjarðarhaga í Vesturbæ Reykjavíkur í gær. Þetta kemur fram í tilkynningu lögreglunnar á höfuðborgarsvæðinu.
„Tveir karlar eru látnir eftir bruna í vesturbæ Reykjavíkur. Annar lést í gær eins og fram hefur komið, en hinn lést af sárum sínum á Landspítalanum fyrr í dag. Þriðji maðurinn, sem var í íbúðinni þegar eldurinn kom upp, liggur á Landspítalanum, en hann er ekki í lífshættu,“ segir í tilkynningunni.
Rannsókn málsins miðar vel en ekki er hægt að veita frekari upplýsingar um málið að svo stöddu.
