Þetta kemur fram í grein sem Bo Hemann, rithöfundur og blaðamaður, skrifaði nýlega í Jótlandspóstinn.
Í henni segir hann meðal annars:
„Ég hitti góðan vin minn nýlega. Við ræddum um klikkaða þróun heimsmála, eins og flestir gera á þessum órólegu tímum. „Hefur þú lesið „Samsærið gegn Ameríku“ eftir Philip Roth?, spurði hann.
„Það hef ég,“ gat ég sem betur fer svarað.“
Í bókinni varpar Roth þeirri spurningu fram hvernig mál hefðu þróast ef flughetjan og hinn hægrisinnaði gyðingahatari Charles Lindbergh hefð sigraði í bandarísku forsetakosningunum 1940. Hvaða afleiðingar það hefði haft fyrir gyðingafjölskyldu Roth? Hvað hefði það þýtt fyrir Bandaríkin og Evrópu, þar sem síðari heimsstyrjöldin stóð yfir?
„„Nú erum við með forseta sem hneigist mjög svo til hægri,“ sagði hann. „Ég held að við stöndum frammi fyrir tveggja til þriggja mánaða glugga. Ef ekki verður búið að stöðva Trump fyrir sumarið, þá heyrir lýðræðið í Bandaríkjunum sögunni til. Þá verða engar kosningar 2028. Þetta er endurkoma fasismans.“
„Hvernig er hægt að stöðva þetta?“ spurði ég.
„Hershöfðingjarnir í Pentagon verða að finna út úr því. Þeir eru líklega þeir einu sem geta gert það úr því sem komið er. Dómarar og dómstólar virðast ekki geta það. Fljótlega verður Trump búinn að koma sínu fólki fyrir í öllum nauðsynlegum stöðu og þá er það um seinan. Hann var ekki nægilega vel undirbúinn 2016, en það er hann núna. Áætlunin um hvernig á að koma á einræði er alveg skýr og hann fylgir henni.““
