Grjót hefur skolað á land upp á stíga og götur í miklum áhlaðanda frá sjó sem gengur yfir í dag og á morgun. Búist er við að þetta veður muni hafa áhrif í borginni alla helgina.
Sérstaklega á þetta við um svæðið frá Kirkjusandi að Ánanaustum og Eiðsgranda.
Í tilkynningu frá Reykjavíkurborg eru vegfarendur beðnir um að sýna aðgát og jafnvel fara aðrar leiðir ef mögulegt er á meðan þetta stendur yfir.
