„Ég sagði við hann í nafni okk­ar allra að kraf­an væri að húsið yrði fjar­lægt og því fund­inn ann­ar staður,” segir Kristján Hálfdánarson, formaður húsfélagsins í Árskógum 7, í samtali við Morgunblaðið í dag.

Kristján vísar þar í fund sem íbúar í Árskógum 7 áttu með Einari Þorsteinssyni borgarstjóra. Á fundinum fékk borgarstjóri meðal annars undirskriftalista með 2.830 undirskriftum þar sem farið var fram á verkstöðvun. Mikið hefur verið rætt um vöruskemmuna í Álfabakka undanfarnar vikur sem reist var fáeinum metrum frá íbúðablokk í Árskógum.

Kristján segist í samtali við Morgunblaðið hafa ítrekað við borgarstjóra á fundinum hvað það væri glórulaust að troða svona húsi niður í íbúðabyggð.

„Það væru til iðnaðarsvæði sem væru eini rétti staður­inn fyr­ir hús af þess­ari stærðargráðu fyr­ir iðnað og vöru­geymslu,“ seg­ir Kristján og bætir við að borgarstjóri hefði sagt að verið væri að vinna í málinu en engin tillaga komið fram.

„Það sem blasir við í þessu máli er að það verður gríðarlega kostnaðarsamt að fara í raunhæfar aðgerðir og sá kostnaður mun lenda á okkur skattgreiðendum. Ég sagði við Einar að lágmarkskrafa okkar væri að vöruskemman sem er hér næst húsinu okkar yrði tekin niður og færð annað,“ segir Kristján við Morgunblaðið.