fbpx
Fimmtudagur 18.júlí 2024
Fréttir

Fuglaflensa hefur tekið „hættulegt“ skref í áttina að geta smitast á milli fólks

Ritstjórn DV
Þriðjudaginn 9. júlí 2024 04:21

H5N1 fuglaflensuveiran. Mynd:Wikimedia Commons/Cynthia Goldsmith

Ekki missa af Helstu tíðindum dagsins í pósthólfið þitt

Lesa nánar

Ný rannsókn á því afbrigði fuglaflensu, sem hefur borist í nautgripi á rúmlega 100 búum í Bandaríkjunum, bendir til að veiran hafi stökkbreyst en það getur að lokum leitt til þess að hún geti borist manna á milli með lofti, það er að segja þegar fólk andar að sér lofti frá smituðum einstaklingi.

Veiruna, H5N1, er helst að finna í fuglum en hún hefur nú borist í nautgripi á rúmlega 100 kúabúum í 12 ríkjum Bandaríkjanna. Óvirkar agnir úr veirunni hafa fundist í gerilsneyddri mjólk sem var komin í kæla stórmarkaða.

Sky News skýrir frá þessu og segir að fjórir starfsmenn kúabúa hafi smitast af veirunni fram að þessu en sjúkdómseinkennin hafi verið mild og þeir hafa ekki smitað aðra af veirunni.

Ný rannsókn vísindamanna við University of Wisconsin-Madison sýnir að veirusýni, sem voru tekin úr kúm, geta ráðist á móttakara á frumum í öndunarfærum fólks.

Það afbrigði H5N1, sem er í fuglum, getur ekki gert það. Þetta bendir til að veiran hafi stökkbreyst.

Vísindamennirnir gerðu frekari rannsóknir á frettum, sem eru mjög oft notaðar í rannsóknum á flensum, og komust að því að veiran barst ekki auðveldlega á milli þeirra með lofti.

Ed Hutchinson, doktor við Medical Research Council and University of Glasgow Centre for Virus Research, sagði í samtali við Sky News að samt sem áður sé „tilefni til að hafa áhyggjur“.

Hann sagði að í ljós hafi komið að veiran sé byrjuð að ná sumum þeim eiginleikum sem tengjast getu hennar til að dreifast auðveldlega með lofti. Hún virðist ekki vera farin að geta gert þetta enn sem komið er en ef svo fer, þá verði enn erfiðara að halda stjórn á henni og hún verði enn hættulegri fyrir fólk.

Hann sagði að þörf sé á að fylgjast náið með veirunni og reyna að ná tökum á faraldrinum eins fljótt og hægt er.

Nýja rannsóknin hefur verið birt í vísindaritinu Nature.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 10 klukkutímum

Ólafur og börnin stefna á karatemót í Rúanda – ,,Hafði ekki brjóst í mér að segja þeim að við ættum alls ekki efni á því“

Ólafur og börnin stefna á karatemót í Rúanda – ,,Hafði ekki brjóst í mér að segja þeim að við ættum alls ekki efni á því“
Fréttir
Fyrir 21 klukkutímum

Ingólfur Valur stefnir ríkinu og krefst miskabóta vegna ólöglegrar handtöku

Ingólfur Valur stefnir ríkinu og krefst miskabóta vegna ólöglegrar handtöku
Fréttir
Fyrir 2 dögum

Hröð útbreiðsla Covid veldur Landspítalanum vandræðum

Hröð útbreiðsla Covid veldur Landspítalanum vandræðum
Fréttir
Fyrir 2 dögum

Nokkuð stórt gjaldþrot hjá fyrrverandi eiganda Mathúss Garðabæjar

Nokkuð stórt gjaldþrot hjá fyrrverandi eiganda Mathúss Garðabæjar