fbpx
Fimmtudagur 18.júlí 2024
Fréttir

Segir kosti óverðtryggðra lána tálsýn sem geti bitnað á fjölskyldulífinu

Ritstjórn DV
Mánudaginn 17. júní 2024 17:30

Ekki missa af Helstu tíðindum dagsins í pósthólfið þitt

Lesa nánar

Alma Björk Ástþórsdóttir, sérfræðingur í fjármálalæsi, segir það ekki skipta nokkru máli hvort fólk tekur verðtryggð eða óverðtryggð lán. Lánveitandinn fær alltaf sitt, hvort sem það er með verðbótum eða vöxtum sem hækka í samræmi við verðbólgu.

Alma skrifar í grein á Vísi í dag að hún velti fyrir sér hvernig Ásgeir Jónsson, seðlabankastjóri, getur horft framan í fólkið í landinu. Fyrst hafi hann tekið við embætti og farið mikinn í að tala niður verðtryggð lán. Svo þegar þjóðin hefur skipt yfir í óverðtryggð hvetur hann fólk til að skipta yfir í verðtryggð.

„Svona eins og hann sé í einhverri skák og almenningur peðin á borðinu sem hægt er að leika sér með. Í flestum siðmenntuðum ríkjum hefði þessi seðlabankastjóri tekið pokann sinn og ratað sjálfur út.“

Alma segir að á meðan Ísland hafi sinn eigin gjaldmiðil þá skipti engu hvort valið sé verðtryggt eða óverðtryggt lán. Hins vegar liggi fyrir að með óverðtryggðu láni er verið að staðgreiða verðbólguna og afborganir hærri sem geti bitnað á lífsgæðum.

„Í dag ættu flestir að vera farnir að átta sig á því að hin girnilegu óverðtryggðu lán sem boðin voru fyrir nokkrum árum voru ekkert annað en tálsýn.“

Alma spyr hvort fólk hafi hugsað út í það hvers virði lífsgæði þeirra eru.

„Hvers virði er líf þitt í dag? Viltu greiða húsnæðislánið hratt niður til þess að sitja í skuldlausri eign um fimmtugt, eða viltu nota peninginn til að njóta lífsins með börnunum þínum á meðan þú hefur þau hjá þér?“

Alma segir að lífið sé stutt og börnin bara börn í örfá ár. Því sé nauðsynlegt að hægja á sér og njóta.

„NJÓTA samverunnar, elda góðan mat, ferðast, upplifa hluti saman. Sá tími mun koma þar sem börnin fljúga úr hreiðrinu og rekstrarkostnaður heimilisins hrapar á sama tíma og fólk hækkar í launum sökum aldurs og þróunar í starfi. Þá er kominn kjörinn tími til þess að greiða húsnæðislánið hraðar niður.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 10 klukkutímum

Ólafur og börnin stefna á karatemót í Rúanda – ,,Hafði ekki brjóst í mér að segja þeim að við ættum alls ekki efni á því“

Ólafur og börnin stefna á karatemót í Rúanda – ,,Hafði ekki brjóst í mér að segja þeim að við ættum alls ekki efni á því“
Fréttir
Fyrir 21 klukkutímum

Ingólfur Valur stefnir ríkinu og krefst miskabóta vegna ólöglegrar handtöku

Ingólfur Valur stefnir ríkinu og krefst miskabóta vegna ólöglegrar handtöku
Fréttir
Fyrir 2 dögum

Hröð útbreiðsla Covid veldur Landspítalanum vandræðum

Hröð útbreiðsla Covid veldur Landspítalanum vandræðum
Fréttir
Fyrir 2 dögum

Nokkuð stórt gjaldþrot hjá fyrrverandi eiganda Mathúss Garðabæjar

Nokkuð stórt gjaldþrot hjá fyrrverandi eiganda Mathúss Garðabæjar