fbpx
Föstudagur 21.júní 2024
Fréttir

Hjólreiðamaður fékk lögreglufylgd eftir að hann villtist inn í Hvalfjarðargöngin

Ritstjórn DV
Miðvikudaginn 29. maí 2024 13:30

Ekki missa af Helstu tíðindum dagsins í pósthólfið þitt

Lesa nánar

Hvalfjarðargöngunum var lokað skamma stund á mánudagskvöldið eftir að ferðamaður á hjóli villtist þangað inn. Lögreglan á Vesturlandi var kölluð til og göngunum lokað á meðan hjólreiðamaðurinn fékk lögreglufylgd þann spöl sem hann átti eftir ófarinn. Lokunin tafði þá sem áttu leið um göngin, meðal annars Strætisvagn, og sumir furðuðu sig á því að hjólreiðamanninum hafi verið leyft að klára að hjóla göngin fremur en að hann væri látinn skilja hjólið eftir og skutlað í gegn af lögreglu.

Lögreglan á Vesturlandi segir í skriflegu svari við fyrirspurn að hjólreiðamaðurinn hafi ekki haft hugmynd um að ekki mætti hjóla í göngunum. Lokun stóð aðeins yfir í fáeinar mínútur á meðan manninum var fylgt þann spöl sem hann átti ófarinn í öryggisskyni. Taldi lögregla ekki ráðlegt að skilja hjólið eftir í göngunum. Tilvik sem þessi eru fátíð og ekki venjur eða ferlar til um afgreiðslu þeirra. Engin ákvörðun hefur verið tekin um hvort hjólreiðamanninum verða gerð einhver viðurlög.

Leiðin upp úr göngunum virðist hafa tekið á hjólreiðamanninn. Hann steig af hjóli sínu og settist í grasið eftir að lögreglan hafði yfirgefið hann.

Vegagerðin greindi frá sambærilegu tilviki í júní á síðasta ári. Þá hafði blaðamaður mbl.is verið í göngunum og séð hvar hjólreiðamaður reiddi hjólið niður brekkuna norðan megin í göngunum. Þá stóð lokun yfir í tæpan hálftíma.

Hjóla má í gegnum öll göng á Íslandi nema Hvalfjarðargöng og Vaðlaheiðargöng. Hjólreiðamenn hafa í gegnum árin furðað sig á þessu banni, en það má rekja til öryggismála þar sem hjól eigi erfitt með að halda meðalhraða í gegnum göngin sem er um 70 km/klst. Umferð gangandi og hjólandi vegfarenda, umferð reiðmanna og rekstur búfjár er bannaður í göngunum nema með sérstöku leyfi lögreglustjóra.

Það getur þó verið skiljanlegt að erlendir hjólreiðamenn ruglist þar sem ef leitað er leiða frá höfuðborginni út fyrir Hvalfjörð í gegnum kortasjánna á Google þá eru engar hjólaleiðir í boði og fólki því bent á gönguleið, þar sem Hvalfjörðurinn er genginn, eða þá að fólki er bent á leið fyrir bifreiðar og almenningssamgöngur, í gegnum göngin.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

Bandaríkin og NATÓ undirbúa sig undir hugsanlega innrás Rússa í Evrópu

Bandaríkin og NATÓ undirbúa sig undir hugsanlega innrás Rússa í Evrópu
Fréttir
Í gær

Hilda Jana gáttuð á framgöngu meirihlutans á Akureyri – Láta aldraða bíða, neita að borga reikningana og neita að gera grein fyrir máli sínu

Hilda Jana gáttuð á framgöngu meirihlutans á Akureyri – Láta aldraða bíða, neita að borga reikningana og neita að gera grein fyrir máli sínu
Fréttir
Í gær

Kristinn um manninn sem var handtekinn á 17. júní: Hafði misst meðvitund á Austurvelli stuttu áður en enginn sjúkrabíll kom

Kristinn um manninn sem var handtekinn á 17. júní: Hafði misst meðvitund á Austurvelli stuttu áður en enginn sjúkrabíll kom
Fréttir
Í gær

Svandís segir marga ekki átta sig á möguleikanum á ókeypis láni mánaðarlega

Svandís segir marga ekki átta sig á möguleikanum á ókeypis láni mánaðarlega
Fréttir
Fyrir 2 dögum

Jose Luis veitingamaður á Caruso er látinn

Jose Luis veitingamaður á Caruso er látinn
Fréttir
Fyrir 2 dögum

Leikskólaplássum fækkað um 940 og meirihlutinn geti bara kennt sjálfum sér um stöðuna – Tap foreldra geti numið 6,5 milljónum

Leikskólaplássum fækkað um 940 og meirihlutinn geti bara kennt sjálfum sér um stöðuna – Tap foreldra geti numið 6,5 milljónum