fbpx
Laugardagur 15.júní 2024
Fréttir

Harmleikurinn í Bolungarvík – Fólkið var ekki nýlátið

Ágúst Borgþór Sverrisson
Þriðjudaginn 28. maí 2024 13:53

Ekki missa af Helstu tíðindum dagsins í pósthólfið þitt

Lesa nánar

DV hefur vísbendingar um að tvær manneskjur á sjötugsaldri sem fundust látnar í íbúðarhúsi í Bolungarvík í gærkvöld hafi ekki verið nýlátnar. Helgi Jensson, lögreglustjóri á Ísafirði, staðfestir þetta en segir dánartíma ekki liggja fyrir.

Helga setti hljóðan við spurningu blaðamanns en sagði síðan eftir nokkra þögn: „Ég veit ekki alveg hvað ég á að segja við þig. Við gáfum út fréttatilkynningu og ætluðum kannski ekki að segja mikið meira en það. Þannig að ég veit ekki hvað ég á að segja mikið við þig núna á meðan þetta er í svona viðkvæmri stöðu.“

Helgi segir að krufning muni leiða þetta skýrar í ljós. „Krufningin í öllu falli mun væntanlega segja okkur aðeins um þetta. Það er ákveðinn vafi um nákvæmlega hvenær þau dóu. Það var ekki alveg nýskeð.“

Lögregla sendi frá sér eftirfarandi tilkynningu um málið fyrr í dag:

„Óskað var eftir aðstoð tæknideildar lögreglunnar á höfuðborgarsvæðinu auk réttarmeinafræðings til að taka þátt í vettvangsrannsókn lögreglu. Rannsókn á vettvangi lauk í nótt. Réttarmeinafræðileg rannsókn á líkunum mun fara fram í kjölfarið. Eins og staðan er bendir ekkert til þess að saknæmur atburður hafi átt sér stað. Rannsókn málsins heldur áfram, en ekki er hægt að veita frekari upplýsingar um málið að sinni.“

Samfélaginu í Bolungarvík er brugðið við atburðinn. DV ræddi í morgun við Jón Pál Hreinsson bæjarstjóra sem býr skammt frá húsinu þar sem harmleikurinn átti sér stað og sér það út um glugga hjá sér:

„Bolungarvík er friðsælt og samheldið samfélag og hefur verið það í þúsund ár. Hugur bæjarbúa er hjá þeim sem eiga um sárt að binda. Við fylgjumst vel með framvindu málsins og setjum okkar traust á að lögreglan muni skýra frá málsatvikum og hvernig málið er statt. Við munum sem sveitarfélag og samfélag vera til staðar fyrir hvert annað og fyrir þau sem eiga um sárt að binda,“ segir Jón Páll.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Að bera litinn
Fréttir
Fyrir 22 klukkutímum

Klúður lögmanns sem mætti ekki í dómsal

Klúður lögmanns sem mætti ekki í dómsal
Fréttir
Fyrir 23 klukkutímum

Umfangsmiklar aðgerðir gegn hryðjuverkastarfsemi á heimsvísu – Lögðu hald á netþjóna misyndismanna á Íslandi

Umfangsmiklar aðgerðir gegn hryðjuverkastarfsemi á heimsvísu – Lögðu hald á netþjóna misyndismanna á Íslandi
Fréttir
Í gær

Fór til Íslands fyrir þremur árum og gerði stór mistök: Nú hefur ókunnugur maður komið henni til bjargar

Fór til Íslands fyrir þremur árum og gerði stór mistök: Nú hefur ókunnugur maður komið henni til bjargar
Fréttir
Í gær

„Glataðasta frétt vikunnar er fundin“

„Glataðasta frétt vikunnar er fundin“
Fréttir
Í gær

Strokufanginn og höfuðpaurinn í stóra Bitcoin-málinu hlýtur enn einn dóminn – Fór úr „stærsta ráni Íslandssögunnar“ yfir í misheppnað smygl

Strokufanginn og höfuðpaurinn í stóra Bitcoin-málinu hlýtur enn einn dóminn – Fór úr „stærsta ráni Íslandssögunnar“ yfir í misheppnað smygl
Fréttir
Í gær

Fyrrverandi söngvari Spandau Ballet ákærður – Raðnauðgari með blæti fyrir að brjóta á sofandi konum

Fyrrverandi söngvari Spandau Ballet ákærður – Raðnauðgari með blæti fyrir að brjóta á sofandi konum
Fréttir
Fyrir 2 dögum

Dæmdur fyrir hótanir á Instagram – „Þu ert fkn dauður ef þu lætur ekki kærustu mína í friði. B… er í sambandi þótt hun segir annað við þig“

Dæmdur fyrir hótanir á Instagram – „Þu ert fkn dauður ef þu lætur ekki kærustu mína í friði. B… er í sambandi þótt hun segir annað við þig“
Fréttir
Fyrir 2 dögum

Fyrrverandi sendiherra á Íslandi ræðst á Trump og Repúblíkanaforystuna – „Geðbilað raus“

Fyrrverandi sendiherra á Íslandi ræðst á Trump og Repúblíkanaforystuna – „Geðbilað raus“