Óskemmtilegt var um að litast aftan við leikskólann Rofaborg í Árbænum í dag. Foreldrar gengu fram á gríðarlegt magn notaðra sprautunála á litlu svæði.

Það er ekki aðeins leikskólinn Rofaborg sem er nálægt þessu. Heldur einnig grunnskólinn Árbæjarskóli. Vekur þetta óhugnað hjá foreldrum.

Nokkur umræða hefur skapast um málið á meðal íbúa á samfélagsmiðlum og hvatt er til þess að málið sé tilkynnt til lögreglunnar og Reykjavíkurborgar. Nefnt er að fjöldi sprautnanna beri merki um að svæðið sé bæli eiturlyfjanotenda. Einnig að svæðið hafi verið svona lengi án þess að nokkuð sé gert.