fbpx
Laugardagur 22.júní 2024
Fréttir

Ómar vill að lögregla taki fastar á ökuþrjótum á rafskútum 

Ritstjórn DV
Fimmtudaginn 23. maí 2024 14:23

Ekki missa af Helstu tíðindum dagsins í pósthólfið þitt

Lesa nánar

Ómar Ragnarsson, fjölmiðlamaður og þúsundþjalasmiður, segir að víða sé pottur brotinn þegar kemur að lagaumgjörðinni í kringum rafskútur hér á landi.

Ómar gerði frétt sem birtist í gærmorgun að umtalsefni á bloggsíðu sinni í gærkvöldi en þar var sagt frá ökumanni rafskútu sem var handtekinn vegna gruns um akstur undir áhrifum áfengis.

Ómar hefur látið sig þessi mál varða á síðustu árum og kallað eftir endurbótum á reglugerð um rafskútur. Segir hann að þessi farartæki hafi valdið usla og meiðslum langt umfram það sem hægt er að líða.

„Skrifandi síðunnar hefur nógu langa reynslu af því að nota hjólastíga til að geta borið um það, hvernig sú staðreynd að slysatíðnin á rafskútunum er sú langhæsta í umferðinni. Hlálegt er að láta aðeins krakka vera skyld til að nota hlífðarhjálma og beinlínis vítavert að líða það að allt að þrír séu á hverri skútu og allir hjálmlausir,“ segir hann.

Þá bætir hann við að ekki virðist hægt að treysta því að geta verið óhultur fyrir rafskútum á hjólastígum þar sem 25 kílómetra hámarkshraði gildir. Þeim sé ekið langt umfram þann hraða og valda með því ólíðandi slysahættu.

„Stutt er síðan ein slík kom á ofsahraða hjálmlaus yfir blinda beygju á hjólastíg og olli með því mikilli slysahættu. Það er engin afsökun að hlífðarhjálmar séu of þungir í vöfum; það er nægt úrval af nettum hjálmum á boðstólum. Þeir, sem eru á ferðinni á þessum slóðum gangandi eða hjólandi, eru svo berskjaldaðir hlífðarlausir, að í þeim efnum er mikilla úrbóta þörf.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Bandaríkin og NATÓ undirbúa sig undir hugsanlega innrás Rússa í Evrópu

Bandaríkin og NATÓ undirbúa sig undir hugsanlega innrás Rússa í Evrópu
Fréttir
Í gær

Hilda Jana gáttuð á framgöngu meirihlutans á Akureyri – Láta aldraða bíða, neita að borga reikningana og neita að gera grein fyrir máli sínu

Hilda Jana gáttuð á framgöngu meirihlutans á Akureyri – Láta aldraða bíða, neita að borga reikningana og neita að gera grein fyrir máli sínu
Fréttir
Í gær

Kristinn um manninn sem var handtekinn á 17. júní: Hafði misst meðvitund á Austurvelli stuttu áður en enginn sjúkrabíll kom

Kristinn um manninn sem var handtekinn á 17. júní: Hafði misst meðvitund á Austurvelli stuttu áður en enginn sjúkrabíll kom
Fréttir
Í gær

Svandís segir marga ekki átta sig á möguleikanum á ókeypis láni mánaðarlega

Svandís segir marga ekki átta sig á möguleikanum á ókeypis láni mánaðarlega
Fréttir
Fyrir 2 dögum

Jose Luis veitingamaður á Caruso er látinn

Jose Luis veitingamaður á Caruso er látinn
Fréttir
Fyrir 2 dögum

Leikskólaplássum fækkað um 940 og meirihlutinn geti bara kennt sjálfum sér um stöðuna – Tap foreldra geti numið 6,5 milljónum

Leikskólaplássum fækkað um 940 og meirihlutinn geti bara kennt sjálfum sér um stöðuna – Tap foreldra geti numið 6,5 milljónum