Skömmu fyrir klukkan 14 í dag barst lögreglu tilkynning um meðvitundarleysi í sumarhúsi í uppsveitum Árnessýslu. Maðurinn var úrskurðaður látinn skömmu eftir komu viðbragðsaðila á vettvang. Hinn látni er karlmaður á fertugsaldri.
Fjórir hafa verið handteknir á grundvelli rannsóknarhagsmuna. Lögreglan á Suðurlandi fer með forræði rannsóknar í málinu og nýtur stuðnings m.a. frá tæknideild Lögreglustjórans á höfuðborgarsvæðinu. Rannsókn málsins er á frumstigi. Ekki verða veittar frekari upplýsingar að svo stöddu.
Veistu meira um málið? Hvar atvikið átti sér stað eða hverjir eiga í hlut? Ertu með myndir af svæðinu? Tekið er við ábendingum á netfangið ritstjorn@dv.is og fullum trúnaði heitið.
