fbpx
Miðvikudagur 17.apríl 2024
Fréttir

NATO reisir stærstu herstöð Evrópu nærri Krím – Pútín hótar árásum á „þriðju ríki“

Ritstjórn DV
Þriðjudaginn 2. apríl 2024 04:11

Kanadískir hermenn á æfingu Nató í Litáen. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Búið er að taka fyrstu skóflustunguna að nýrri herstöð í Rúmeníu. Þetta verður stærsta herstöð NATO í Evrópu. Þetta er hluti af styrkingu NATO gegn hernaði og umsvifum Rússa í Úkraínu og Svartahafi.

Newsweek er meðal þeirra miðla sem skýrir frá þessu. Fram kemur að herstöðin rísi á grunni núverandi herstöðvar í hafnarborginni Constanta. Áætlaður kostnaður við verkefnið er sem svarar til um 360 milljarða íslenskra króna og er reiknað með að herstöðin verði tilbúin eftir um 20 ár. Hún heitir Mihail Kogalniceanu-herstöðin og stendur við Svartahaf.

Hún er aðeins 300 kílómetra frá Krím og eru Rússar allt annað en sáttir við nýju herstöðina og staðsetningu hennar svona nálægt Krím sem þeir hafa haft á valdi sínu síðan 2014.

Rússneska utanríkisráðuneytið hefur sakað NATO um að undirbúa bein átök við Rússland. Umsvif og aðgerðir NATO í Austur-Evrópu og við Svartahaf eru að mati ráðuneytisins liður í undirbúningi undir bein átök við Rússland. Segir ráðuneytið að aðgerðir NATO á svæðinu „auki enn ógnina við öryggi Rússlands“.

Vladímír Pútín, Rússlandsforseti, er enn við sama heygarðshornið og heldur áfram að hafa í hótunum við allt og alla. Í síðustu viku endurtók hann aðvörun sína um að Rússar muni skjóta F-16 orustuþotur, sem vestræn ríki hafa gefið Úkraínu, niður. Þetta sagði hann þegar hann heimsótti herflugmenn í Torzhok í Tver-héraðinu.  Hann varaði önnur ríki við því að leyfa F-16 þotunum að nota flugvelli sína. „Það er ljóst að ef flugvélarnar taka á loft frá flugvöllum í þriðju ríkjum, þá eru þeir lögmætt skotmark okkar. Óháð því í hvaða landi þeir eru,“ sagði hann.

Hann sagði að F-16 vélarnar muni ekki breyta neinu á vígvellinum. „Við eyðileggjum þær, eins og við eyðileggjum nú þegar skriðdreka, brynvarin ökutæki og önnur hergögn,“ sagði hann og bætti við að Rússar hafi ekki í hyggju að ráðast á NATO-ríki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Bjarkey strax undir miklum þrýstingi: „Það hefur gríðarlegar afleiðingar fyrir ráðherra að fara ekki að lögum“

Bjarkey strax undir miklum þrýstingi: „Það hefur gríðarlegar afleiðingar fyrir ráðherra að fara ekki að lögum“
Fréttir
Í gær

Viðbúnaður vegna vélarvana flutningaskips

Viðbúnaður vegna vélarvana flutningaskips