fbpx
Laugardagur 25.maí 2024
Fréttir

Tryggvi segir málið með ólíkindum – „Ég á það, ég má það“

Ritstjórn DV
Miðvikudaginn 17. apríl 2024 09:00

Ekki missa af Helstu tíðindum dagsins í pósthólfið þitt

Lesa nánar

„Okkur finnst þetta raunverulega með ólíkindum. En þarna kann að vera einhver skáblinda sem kemur til,“ segir Tryggvi Pálsson, stjórnarformaður Bankasýslu ríkisins, í viðtali í nýjasta þætti Dagmála á mbl.is.

Tryggvi ræðir þar umdeilt tilboð Landsbankans í TM en greint var frá því um miðjan mars að Landsbankinn og Kvika hefðu komist að samkomulagi um að hefja einkaviðræður um kaup bankans á tryggingafélaginu fyrir 28,6 milljarða króna. Þetta vakti athygli ekki síst í ljósi þess að ríkið fer með rúmlega 98 prósenta eignarhlut í bankanum.

Bent er á það að fyrir hrun hafi stjórnendur bankanna talið sig geta farið sínu fram án þess að spyrja einn eða neinn. Tryggvi kveðst ekki vilja fullyrða neitt um það hvort það hafi verið viðkvæðið hjá bankaráði Landsbankans þegar tilboðið var lagt fram.

„Ég vil ekki alveg fullyrða það. En þó er rétt að rifja upp hvert var mottóið fyrir hrun hjá ýmsum. Það var, „ég á það, ég má það“. Spurningin er, er nýtt að „ég á það ekki en ég má það?“

Í viðtalinu segist ekki vera að gera að því skóna að bankaráð Landsbankans og bankastjórinn hafi ekki verið að vinna að hag bankans.

En þarna er ekki hugsað nægilega um áhættuna, í viðskiptunum sjálfum og í stjórnmálaáhættu og hver vilji eigandans klárlega er,“ segir Tryggvi í Dagmálum. Bendir hann á að ráðherrar og kjörnir fulltrúar á Alþingi hljóti að ráða í svona máli.

Bankasýslan hefur ákveðið að skipta út öllum stjórnarmönnum bankaráðsins vegna málsins.

„Það er alveg klárt að stóri hluthafinn sem er ríkið hefur verið að leggja höfuðáherslu á að auka arðgreiðslur til sín, því nægur er vandinn fyrir í ríkisfjármálunum,“ segir hann meðal annars en þáttinn má nálgast í heild sinni á vef mbl.is.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Telur að Katrín vinni ef hún nær að gera þetta á lokasprettinum

Telur að Katrín vinni ef hún nær að gera þetta á lokasprettinum
Fréttir
Í gær

Geir H. Haarde opinberar hvern hann ætlar að kjósa

Geir H. Haarde opinberar hvern hann ætlar að kjósa
Fréttir
Í gær

Halldór ætlar ekki að biðja Arnar Þór afsökunar – Rifust fyrir viðtal í vikunni

Halldór ætlar ekki að biðja Arnar Þór afsökunar – Rifust fyrir viðtal í vikunni
Fréttir
Í gær

Sló ökumann í höfuðið með bjórglasi

Sló ökumann í höfuðið með bjórglasi
Fréttir
Fyrir 2 dögum

Giedrius þarf að greiða himinháa sekt

Giedrius þarf að greiða himinháa sekt
Fréttir
Fyrir 2 dögum

Vinnumálastofnun mátti ekki neita fólki um atvinnuleysisbætur bara því þau voru eigendur, framkvæmdastjórar, stjórnarmenn eða prókúruhafar fyrirtækja í virkum rekstri

Vinnumálastofnun mátti ekki neita fólki um atvinnuleysisbætur bara því þau voru eigendur, framkvæmdastjórar, stjórnarmenn eða prókúruhafar fyrirtækja í virkum rekstri
Fréttir
Fyrir 2 dögum

Gangandi vegfarandi sem lést á Höfðabakka varð fyrir tveimur bílum – Annar þeirra aldrei fundist

Gangandi vegfarandi sem lést á Höfðabakka varð fyrir tveimur bílum – Annar þeirra aldrei fundist
Fréttir
Fyrir 2 dögum

66°Norður opnar í þjónustustöðvum N1

66°Norður opnar í þjónustustöðvum N1