fbpx
Laugardagur 25.maí 2024
Fréttir

Þóra kemur rándýru árshátíðinni til varnar – „Það er algert rugl að kostnaðurinn hafi verið hálf milljón á mann“

Ritstjórn DV
Þriðjudaginn 16. apríl 2024 16:30

Þóra Arnórsdóttir. Mynd: Facebook.

Ekki missa af Helstu tíðindum dagsins í pósthólfið þitt

Lesa nánar

Þóra Arnórsdóttir, forstöðumaður samskipta hjá Landsvirkjun, segir að það hafi verið meðvituð ákvörðun Landsvikjrunar að halda árshátíð sína á landsbyggðinni þetta árið enda sé fyrirtækið landsbyggðarfyrirtæki.

Kostnaður vegna árshátíðarinnar, sem var haldin á Egilsstöðum, var hátt í 100 milljónir króna, en málið kom til umræðu í óundirbúnum fyrirspurnatíma á Alþingi í gær.

Starfsmönnum fyrirtækisins, sem er alfarið í eigu íslenska ríkisins, var flogið með breiðþotu Icelandair frá höfuðborgarsvæðinu austur á Egilsstaði þar sem gist var í tvær nætur. Inga Sæland, formaður Flokks fólksins, tók þetta upp í óundirbúnum fyrirspurnatíma á Alþingi í gær og beindi spurningum sínum til Bjarna Benediktssonar forsætisráðherra sem tók undir að um verulegan kostnað væri að ræða og sagði mikilvægt að opinber fyrirtæki gættu hófs en að Landsvirkjun stæði vel og skilaði miklum arði til ríkisins.

Í fréttum RÚV kom fram að dagskrá árshátíðarinnar hefði verið vegleg og teygt sig yfir tvo daga. Rætt var við Þóru Arnórsdóttur, forstöðumann samskipta hjá Landsvirkjun. Hún sagði það hafa staðið til síðan 2020 að halda árshátíðina á landsbyggðinni en fresta hafi þurft árshátíðinni þrjú ár í röð vegna Covid-faraldursins og á síðasta ári hafi ekki gefist nægur tími til að halda árshátíðina utan höfuðborgarsvæðisins. Þegar spurt var um kostnaðinn sagði Þóra:

„Þetta er rándýr árshátíð.“

Hún sagði kostnaðinn nema tugum milljóna en undir 100 milljónum. Lokatölur væru þó ekki komnar. Þegar makar starfsmanna væru taldir með hefði á fjórða hundrað manns verið flogið til Egilsstaða.

Segir fullyrðingar um kostnað á mann vera tilbúning

Þóra fjallar um málið í lokaðri Facebook-færslu í dag og gefur í skyn að það sé orðum aukið að mikill glamúrbragur hafi verið á hátíðinni:

„Ég tók glöð þátt í þessari fínu árshátíð Landsvirkjunar. Flaug austur og keypti kjól í River á Egilsstöðum, fór í Vök og dansaði í íþróttahúsinu eftir heiðarlega lambakjötsmáltíð. Það var nú allur glamúrinn. Starfsfólkið í fatahenginu var í fjáröflun fyrir Hött, Bautinn og Valaskjálf sáu um veitingar o.frv.“

Hún segir að valið á staðsetnningu fyrir árshátíðina endurspegli áherslur Landsvirkjunar og að fullyrðingar um kostnað á hvern starfsmann við hátíðarhöldin séu tilbúningur:

„Landsvirkjun er landsbyggðarfyrirtæki. Á hverju ári er hátt í helmingi starfsfólksins sem býr út um allt land ekið og flogið til Reykjavíkur á árshátíð og fundin gisting. Þegar því er snúið við er það skandall. Ég held að mannauðsdeildin sem skipulagði þennan viðburð, hafi alveg vitað að það er miklu ódýrara að fara til Brighton eða Amsterdam – eða vera bara í Reykjavík. Það var val fyrirtækisins að verja þessum fjármunum innanlands, í landsfjórðungi þar sem stór hluti tekna Landsvirkjunar verður til. Nýta innviði sem standa lítið notaðir á þessum árstíma og borga það sem það kostar að ferðast, gista, borða á Íslandi. Og NB það er algert rugl að kostnaðurinn hafi verið hálf milljón á mann, það er tilbúningur. Ég held að það hafi verið um 450 manns mættir.

Landsvirkjun er vel rekið fyrirtæki sem hefur skilað methagnaði síðustu ár á meðan skuldirnar lækka jafnt og þétt – þetta fólk kann alveg að fara með fé. Það skiptir hins vegar miklu hvar og hvernig því er varið. Helgin heppnaðist eins og best verður á kosið, Austfirðingar tóku okkur með kostum og kynjum og gerðu allt til að láta þetta ganga upp.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Telur að Katrín vinni ef hún nær að gera þetta á lokasprettinum

Telur að Katrín vinni ef hún nær að gera þetta á lokasprettinum
Fréttir
Í gær

Geir H. Haarde opinberar hvern hann ætlar að kjósa

Geir H. Haarde opinberar hvern hann ætlar að kjósa
Fréttir
Í gær

Halldór ætlar ekki að biðja Arnar Þór afsökunar – Rifust fyrir viðtal í vikunni

Halldór ætlar ekki að biðja Arnar Þór afsökunar – Rifust fyrir viðtal í vikunni
Fréttir
Í gær

Sló ökumann í höfuðið með bjórglasi

Sló ökumann í höfuðið með bjórglasi
Fréttir
Fyrir 2 dögum

Giedrius þarf að greiða himinháa sekt

Giedrius þarf að greiða himinháa sekt
Fréttir
Fyrir 2 dögum

Vinnumálastofnun mátti ekki neita fólki um atvinnuleysisbætur bara því þau voru eigendur, framkvæmdastjórar, stjórnarmenn eða prókúruhafar fyrirtækja í virkum rekstri

Vinnumálastofnun mátti ekki neita fólki um atvinnuleysisbætur bara því þau voru eigendur, framkvæmdastjórar, stjórnarmenn eða prókúruhafar fyrirtækja í virkum rekstri
Fréttir
Fyrir 2 dögum

Gangandi vegfarandi sem lést á Höfðabakka varð fyrir tveimur bílum – Annar þeirra aldrei fundist

Gangandi vegfarandi sem lést á Höfðabakka varð fyrir tveimur bílum – Annar þeirra aldrei fundist
Fréttir
Fyrir 2 dögum

66°Norður opnar í þjónustustöðvum N1

66°Norður opnar í þjónustustöðvum N1