fbpx
Sunnudagur 26.maí 2024
Fréttir

Þola Tenerife-búar ekki lengur túrista? – Innfæddir búa í bílum og hellum af því húsnæði er of dýrt

Ágúst Borgþór Sverrisson
Miðvikudaginn 10. apríl 2024 20:45

Skjáskot af Facebook-síðu Canarain Weekly

Ekki missa af Helstu tíðindum dagsins í pósthólfið þitt

Lesa nánar

Vaxandi andúð íbúa á Kanaríeyjum á ferðamennsku, ekki síst á Tenerife, hefur verið til umfjöllunar í fjölmiðlum undanfarið. Þann 20. apríl eru fyrirhuguð mótmæli á Tenerife gegn túrismanum en kröftug mótmæli af slíku tagi voru haldin á eyjunni síðastliðið vor.

Veggjakrot með áletrunum á borð við „Tourist go home“ verða sífellt meira áberandi. Fjallað er um þessa þróun á fréttavef Sky en gífurlega margir Englendingar sækja til Kanaríeyja og margir Englendingar eru búsettir þar. Í frétt Sky kemur fram að mikill húsnæðisvandi er á eyjunum. Á sama tíma og gistirýmum fjölgi stöðugt fækki möguleikum innfæddra til að eignast heimili. Margir þurfi að láta fyrirberast í bílum og hellum. Þetta valdi eðlilega gremju og örvæntingu.

Í leiðara Canarian Weekly segir að það sé heimskulegt að spreyja fúkyrðum á byggingar en engu að síður sé óánægja margra innfæddra með þróun mála eðlileg þar sem síaukin ferðamennska valdi álagi á innviði og mikilli húsnæðiseklu. Það sé hins vegar ekki við ferðamenn að sakast heldur yfirvöld.

DV ræddi þetta stuttlega við Hannes Guðmundsson, Íslending sem hefur verið búsettur á Tenerife í nokkur ár og unir sér þar vel. Hannes telur að andúð á ferðamönnum á Tenerife sé nokkuð orðum aukin í fréttum og hún sé ekki útbreidd.

„Heimamenn gera sér grein fyrir því að þeir lifa á túrismanum og án hans væri lítið um að vera á eyjunum,“ segir Hannes.

Hann segir að umræðan og vandamálin tengd ferðamennsku séu ekki ólík því sem er í gangi á Íslandi. Ferðamennskan valdi t.d. miklu álagi á innviði á báðum stöðunum.

„Mikill fjöldi túrista hefur áhrif á innviði á eyjunum, til dæmis mikið álag á vegakerfið og heilbrigðiskerfið.“ Áhrifin á fasteignamarkaðinn séu líka áþreifanleg. „Fasteignaverð hér hefur hækkað mjög mikið.“

Ef þeirri spurningu, hvort Tenerife-búar þoli ekki lengur túrista, væri bara hægt að svara játandi eða neitandi, þá segist Hannes ekki vera í neinum vafa um að hann myndi svara neitandi.

„Ég myndi segja nei. Hagkerfið hérna byggist upp á ferðamannaiðnanum og fólk er vel meðvitað um það.“

Í grein Canarian Weekly segir að ferðamannaiðnaðurinn hafi skapað gífurlegan húsnæðisvanda, sérstaklega á suðurhluta Tenerife, en þangað sækja afar margir Íslendingar. Í greininni segir að ferðamannaiðnaðurinn sé samfélaginu á Suður-Tenerife lífsnauðsynlegur en vandamálin sem hann skapi veki sífellt meiri áhyggjur. Sífellt meira húsnæði sé leigt út til ferðamanna sem leiði til sífellt meiri skorts á húsnæði fyrir heimamenn. Græðgi bæjarstjórnaryfirvalda leiði til þess að þau samþykki sífellt fleiri hótelbyggingar án þess að hugsa út í hvar starfsfólk þessara hótel eigi að búa. Þetta valdi gremju og óróa. En vandamálið eru ekki túristarnir sjálfir. Þeir eru nauðsynlegir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Elliði hrósar Óttari: „Skorið upp herör gegn persónulegum rógburði skautun, strámennsku og öðrum þeim plagsiðum“

Elliði hrósar Óttari: „Skorið upp herör gegn persónulegum rógburði skautun, strámennsku og öðrum þeim plagsiðum“
Fréttir
Í gær

Vara við fjárkúgun á netinu – „Það sem þeir sækjast eftir eru myndir af kynfærum eða ámóta myndefni“

Vara við fjárkúgun á netinu – „Það sem þeir sækjast eftir eru myndir af kynfærum eða ámóta myndefni“
Fréttir
Fyrir 2 dögum

Stórtíðindi í nýjustu skoðanakönnuninni – Halla Tómasdóttir komin í annað sæti

Stórtíðindi í nýjustu skoðanakönnuninni – Halla Tómasdóttir komin í annað sæti
Fréttir
Fyrir 2 dögum

„Algjör steypa“ að það sé glerbrot og hrossaskítur í neftóbaki

„Algjör steypa“ að það sé glerbrot og hrossaskítur í neftóbaki