fbpx
Laugardagur 20.apríl 2024
Fréttir

Pizzan opnar endurbættan stað eftir stórbruna – „Ákváðum í raun að nýta þetta sem tækifæri og erum afar ánægð með hvernig til hefur tekist“

Ragna Gestsdóttir
Föstudaginn 1. mars 2024 09:22

Ekki missa af Helstu tíðindum dagsins í pósthólfið þitt

Lesa nánar

Útibú Pizzunnar við Fellsmúla opnaði dyr sínar að nýju í gær eftir stórbrunann sem varð í húsalengjunni þann 15. þessa mánaðar og hefur brunalyktin nú vikið fyrir ljúfum ilmi af nýbökuðum pizzum.

Axel Birgisson, markaðsstjóri Pizzunnar, segir að síðustu tvær vikur hafi verið sannkölluð rússíbanareið fyrir starfsfólk og aðstandendur staðarins.

„Við vorum hérna á staðnum þegar eldsins varð vart og fyrst um sinn leit þetta afar illa út,” segir Axel.

Axel Birgisson, markaðsstjóri Pizzunnar

Slökkviliðsmenn og aðrir viðbragðsaðilar hafi hins vegar unnið þrekvirki við að ráða niðurlögum eldsins og þegar slokknaði í síðustu glæðunum hafi bjartsýni ríkt um að veitingastaðurinn hefði sloppið vel frá hildarleiknum. Annað kom þó á daginn.

„Þegar við fórum að taka dótið okkur út af staðnum komu vatns- og reykskemmdirnar í ljós sem voru mun umfangsmeiri en við höfðum gert okkur grein fyrir. Stóra vandamálið var brunalyktin sem var yfir öllu rýminu og er frekar óheppileg við veitingarekstur,” segir Axel.

Þá var blásið í herlúðra og öflugur hópur faglærðra iðnaðarmanna mætti á staðinn og tóku til hendinni.

„Við ákváðum í raun að nýta þetta sem tækifæri og erum afar ánægð með hvernig til hefur tekist. Í raun og veru erum við að opna nýjan og endurbættan stað og bjóðum nýja sem eldri viðskiptavini hjartanlega velkomna,” segir Axel.

Í tilefni af opnuninni verða hagstæð tilboð í boði fyrstu þrjá dagana, fimmtudag til laugardags.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Stöð 2 lækkar verð
Fréttir
Í gær

Segist enga tengingu hafa við heimalandið en verður samt að sitja í fangelsi þar

Segist enga tengingu hafa við heimalandið en verður samt að sitja í fangelsi þar
Fréttir
Í gær

Kíghósti greinist hjá nokkrum ótengdum einstaklingum á höfuðborgarsvæðinu

Kíghósti greinist hjá nokkrum ótengdum einstaklingum á höfuðborgarsvæðinu