Engin gosvirkni sást í drónaflugi á vegum sérsveitarinnar sem flaug yfir gossvæðið nú á fjórða tímanum í dag. Samkvæmt Veðurstofu Íslands bendir þetta til þess að gosinu sé að ljúka, en ekki er lengur vart við gosóróa á sjálftamælum.

Veðurstofan hefur uppfært hættumat með tilliti til þróunar í virkni gossins. Breytingar hafa orðið á hættumati fyrir einstaka hættu innan svæða, dregið hefur úr hættu á gosopnun en áfram er hætta vegna gasmengunar til staðar við hraunjaðarinn. Áfram er talin hætta á hraunflæði, sem tengist því að enn er mögulegt að hrauntungur brjótist út úr hraunjaðri. Hætta á jarðfalli ofan í sprungur og sprunguhreyfingar er enn talin há á svæði Grindavíkur.