Um helgina var dæmdur fíkniefnasmyglari frá Jemen líflátinn í Sádi-Arabíu en um er að ræða 101 aftökuna á erlendum ríkisborgara á þessu ári í ríkinu. Um er að ræða gríðarlega fjölgun frá fyrri árum en til samanburðar voru 34 erlendir ríkisborgar líflátnir í furstadæminu árin 2022 og 2023.

Sádar hafa verið gagnrýndir harðlega af alþjóðlegum mannréttindasamtökum fyrir hversu títt þeir beita dauðarefsingum. Refsigleði þeirra er sögð vera í mikilli mótsögn við þá ímynd aukins frjálslyndis sem varpað er upp til þess að lokka til sín fjárfesta og ferðamenn. Þá er fullyrt að erlendir ríkisborgarar fái síður réttláta málsmeðferð í landinu og eigi til að mynda erfitt með að nálgast öll gögn í málum sínum.

Alls hafa 21 einstaklingar frá Pakistan verið líflátnir það sem af er ári, 20 frá Jemen, 14 frá Sýrlandi, 10 frá Nígeríu, 9 frá Egyptalandi, 8 frá Jórdaníu og sjö frá Eþíópíu. Þá hafa þrír verið líflátnir frá Súdan, Indlandi og Afganistan og einn einstaklingur frá Sri Lanka, Erítreu og Filippseyjum.

Það eru ekki bara erlendir ríkisborgarar sem eru teknir af lífi því í heildina hafa meira en 300 manns verið teknir af lífi í heildina.