„Hafið þið lent í þessu? Kaffiskyr frá Örnu. Var að opna það, er best fyrir 7. nóv.“ segir kona í Facebook-hópnum Matartips og birtir meðfylgjandi mynd. Óvenjulegt er að sjá matvöru svona útlítandi löngu fyrir síðasta neysludag.

Hrósa má markaðsstjóra Örnu sem bregst fljótt við og svarar fyrir málið í Matartips. Athygli vekur að markaðsstjórinn ber sama nafn og fyrirtækið, en hún heitir Arna María Hálfdanardóttir. Arna skrifar:

„Hæ, mér var bent á þennan þráð og langaði að koma á framfæri að endilega senda okkur póst á arna@arna.is svo við getum fengið frekari upplýsingar og bætt fyrir. Við biðjumst innilegrar afsökunar á þessu.

Þetta er komið á borð hjá gæðastjóra sem er að skoða málið hér innanhúss hjá okkur. Og eins ef fleiri eru að lenda í/hafa lent í að fá vöru, þessa eða aðra sem ekki er í lagi, ekki hika við að hafa samband við okkur svo við getum bætt úr.“