Í dag handtók lögregla mann í miðbænum vegna gruns um fíkniefnasölu. Maðurinn var með auk fíkniefna mikið magn reiðufjár á sér. Var hann vistaður í fangaklefa í þágu rannsóknar málsins.

Tilkynnt var um slys á Rally Cross móti í umdæmi Lögreglustöðvar 2, sem nær yfir Hafnarfjörð, Garðabæ og Álftanes. Hinn slasaði hlaut eymsli en ekki alvarleg meiðsli.

Tilkynnt var um slagsmál við Austurvöll og maður þar sagður ógna með hnífi. Lögregla handtók þrjá vegna málsins en enginn hnífur fannst. Mönnunum þremur var sleppt af lögreglustöðinni eftir að rætt hafði verið við þá.

Tilkynnt var um innbrot í verslun, á upptökum sést hinn grunaið taka vörur úr versluninni og koma sér í burtu. Málið er í rannsókn.

Í Breiðholti eða Kópavogi var tilkynnt um mann sem var að ganga á milli bíla og reyna að komast inn í þá. Kom styggð á manninn þegar hann sá tilkynnanda hringja á lögreglu. Náði hann að koma sér undan þegar lögregla kom á vettvang.

Í Grafarvogi, Mosfellsbæ eða Árbæ var tilkynnt um yfirstandandi innbrot í verslun. Hinir grunuðu voru farnir af vettvangi þegar lögregla kom. Þeir voru hins vegar handteknir nokkru seinna og vistaðir í fangageymslu.