Tveir erlendir ferðamenn, par, birti á samfélagsmiðlum myndband af þegar þau voru rekin upp úr Bláa lóninu vegna eldgossins í Sundhnúkagígum. Þurftu þau ekkert að borga.
„Við erum að fara úr Bláa lóninu á Íslandi vegna rýmingar þar sem eldgos er byrjað,“ segir Ale Kenney, ferðamaður á Íslandi, í myndbandi á samfélagsmiðlinum TikTok. En hún og maður hennar, Andrew Kenney, voru að slaka á í lóninu þegar enn einu sinni byrjaði eldgos norðan við Grindavík á fimmtudagskvöld. Lýsa þau reynslunni sem ógnvekjandi og urðu þau mjög hrædd.
„Það er mjög ógnvekjandi þegar neyðarbjallan fer í gang þegar þú situr úti í enda á sundlaug,“ segir Ale sem tók upp myndbandið þegar parið, ásamt öðrum sem voru í lóninu, voru á leið í burtu. „Þau sögðu okkur að drífa okkur. Við erum enn þá rennandi blaut.“
Má sjá Andrew koma inn í myndbandið og segja. „Ekki skipta um föt, ekki fara í sturtu. Farðu bara, farðu burt,“ segir hann. „Við borguðum ekki neitt, við vorum í skuld, en þau sögðu okkur að fara.“
Þá segir Ale að hún sé virkilega hrædd en Andrew hughreystir hana. „Síðast þegar þetta gerðist sögðu þeir að það tæki hraunið fimm klukkutíma að komast hingað. Þannig að tíminn er með okkur í liði,“ segir hann.
Í næsta myndbroti sýnir parið frá því þegar þau eru í bíl á Reykjanesbrautinni. Má þá klárlega sjá að eldgosið er hafið og allir í bílnum trúa vart eigin augum.
@aa.kenney We are SAFE! Thankfully the employees at the Blue Lagoon were so professional and efficient at getting everyone out of there in a timely manner! Very scary and definitely not on our Bingo card. #fyp #aak #uwc #travel #iceland #volcano #bluelagoon #emergency #ultimateworldcruise #royalcaribbean @Blue Lagoon Iceland ♬ original sound – Andrew & Ale Kenney
„Guð minn góður. Það beinlínis ólgar í þessu,“ segir Andrew en bíllinn stöðvar við vegkantinn. Má sjá mjög volduga eldgosasprungu spýja hrauni hátt í loft upp.
Parið kom til Íslands á skemmtiferðaskipi. Í lok myndbandsins má sjá þau fara aftur um borði í skipið, guðslifandi fegin að vera komin langt frá eldgosinu.
„Andrew er glaður að vera kominn aftur um borð í skipið og í burtu frá eldgosinu,“ segir Ale og birtir myndband af manni sínum beinlínis hlaupa landganginn.
Eftir á virðist þessi lífsreynsla, eins ógnvekjandi og hún var, hafa verið góð lífsreynsla fyrir parið.
„Ég var mjög hrædd en við erum öll örugg,“ segir Ale. „Þetta var svo svalt. Ég er búinn að vera brosandi í nokkra klukkutíma,“ segir Andrew.
