Dagbladet skýrir frá þessu og segir að í kjölfar árásarinnar hafi Volodymyr Zelenskyy, forseti Úkraínu, sagt að úkraínskum mannslífum sé bjargað í hvert sinn sem rússneskur herflugvöllur sé eyðilagður.
Úkraínumenn segjast hafa skemmt eina Tu-22 ofurhljóðfráa sprengjuflugvél Rússa á vellinum.
Flugvöllurinn er í um 1.800 km fjarlægð frá úkraínsku landamærunum og hafa Úkraínumenn aldrei fyrr gert árás svo langt frá landamærum ríkjanna.
Ekki er vitað hvort drónanum eða drónunum var flogið alla þess leið yfir rússnesku landsvæði eða hvort tekið var á loft mun nær herstöðinni en vitað er að skemmdarverkarhópar, sem eru hliðhollir Úkraínumönnum, starfa í Rússlandi.
