fbpx
Miðvikudagur 09.júlí 2025
Fréttir

Óvæntur gestur á íslenskum heimilum: Segir fólk fyllast ótta og jafnvel vilja selja húsið sitt

Ritstjórn DV
Fimmtudaginn 16. maí 2024 13:30

Ekki missa af Helstu tíðindum dagsins í pósthólfið þitt

Lesa nánar

Þvert á það sem margir kynnu að halda eru maurar til á Íslandi og hafa fundist hér hvorki fleiri né færri en 25 tegundir. Nú er komin út barnabók um hulinn heim íslenskra maura en bókin er eftir líffræðinginn Marco Mancini og Laufeyju Jónsdóttur myndskreyti.

Fjallað er um þetta í Morgunblaðinu í dag og þar segir Marco að honum finnist áríðandi að fræða börn um þá staðreynd að maurar eru til á Íslandi.

Marco segir í viðtalinu að áður en hann flutti til Íslands hafi hann lesið vísindagrein þar sem fram kom að maurar væru úti um allan heim, nema á Suðurskautslandinu og Íslandi. En þetta er ekki rétt og eru fjórar maurategundir viðvarandi hér á landi; húsamaur, blökkumaur, faraómaur og draugamaur.

Marco segir að ef maurar berast til landsins með frjósamri drottningu þá setjast þeir hér að og fjölga sér.

„Ef þeir hafa hita og mat, þá fjölgar þeim hratt, á einum mánuði frá tuttugu maurum yfir í þúsund,“ segir hann við Morgunblaðið og segir að maurar haldi til dæmis til í kringum hitaveitulagnir þar sem er rakt og heitt.

Hann bendir svo á að fólk kaupir lifandi blóm, til dæmis í Costco eða Ikea, en sjái ekki maura sem eru mögulega í moldinni. „Um nætur fara nokkrir vinnumaurar á stjá og finna smugu til dæmis í parketinu. Þeir sækja fleiri maura í pottinn og flytja á endanum allir undir parketið,“ segir hann í viðtalinu og bætir við að smám saman stækki veldi maurana.

Marco vill gjarnan fá að vita af því ef fólk finnur maura heima hjá sér og vill vera meindýraeyðum innan handar við að losna við þá.

„Stundum þegar ég hef komið heim til fólks vegna maura sem þar finnast, þá fyllist fólk ótta og vill jafnvel selja húsið sitt, en það er algjör óþarfi,“ segir hann og nefnir að það sé engin skömm að lenda í því að fá maura í heimsókn. Tilvist þeirra hafi þó ekkert með hegðun fólks að gera.

Nánar er rætt við Marco í Morgunblaðinu í dag en einnig má nálgast upplýsingar um maura á Íslandi á þessum vef hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

Kótelettan hefur safnað nærri 20 milljónum fyrir krabbameinsveik börn

Kótelettan hefur safnað nærri 20 milljónum fyrir krabbameinsveik börn
Fréttir
Fyrir 17 klukkutímum

Skýtur á menningu íslenskra samfélagsmiðlastjarna – „Athyglin er aðalgjaldmiðillinn og allt er notað í gróðaskyni“

Skýtur á menningu íslenskra samfélagsmiðlastjarna – „Athyglin er aðalgjaldmiðillinn og allt er notað í gróðaskyni“
Fréttir
Í gær

Íris Líf í samstarf við stórt íslenskt fyrirtæki – Afar ánægð með að þeir prúttuðu niður samninginn

Íris Líf í samstarf við stórt íslenskt fyrirtæki – Afar ánægð með að þeir prúttuðu niður samninginn
Fréttir
Í gær

Landsréttur slær á putta héraðsdóms – Mál óprúttins vörubílstjóra sem keyrði á lögreglubifreið fer fyrir dóm

Landsréttur slær á putta héraðsdóms – Mál óprúttins vörubílstjóra sem keyrði á lögreglubifreið fer fyrir dóm